Peig Sayers

Ón Vicipéid, an chiclipéid shaor.
Jump to navigation Jump to search
Peig sayers headstone.jpg

Seanchaí agus dírbheathaisnéisí Éireannach ab ea Peig Sayers (18738 Nollaig 1958[1]).

Saol[cuir in eagar | athraigh foinse]

Tháinig Peig Sayers ar an saol i nDún Chaoin, baile beag i gContae Chiarraí, Éire. Phós sí Pádraig Ó Gaoithín ón mBlascaod Mór, agus d'aistrigh sí ansin leis.

Bhí Peig Sayers ina cónaí ar an oileán go dtí an bhliain 1953, nuair a tréigeadh na Blascaodaí ar fad. Bhog sí go dtí ospidéal an Daingin. Fuair sí bás ansin sa bhliain 1958, agus tá sí curtha i reilig Dhún Chaoin.

Seanchaí[cuir in eagar | athraigh foinse]

Ní raibh léamh ná scríobh na Gaeilge aici, cé go raibh ar a cumas Béarla a léamh agus a scríobh de réir an daonáirimh. Seanchaí agus scéalaí den scoth ab ea í. Ba dual athar di é, nó nuair a bhí sí óg, chluineadh sí na mílte scéalta agus eachtraí á n-insint ag a hathair agus é ag déanamh airneáin le fir an bhaile.

Dheachtaigh sí a cuid scéalta do Sheosamh Ó Dálaigh (bhí sé ar dhuine den bheagán bailitheoirí lánaimseartha a chuir Coimisiún Béaloideasa Éireann ag obair i dtríochaidí an 20ú haois[2]).

Tá cáil uirthi de bharr a dírbheathaisnéise, Peig. B'é a mac, Micheál, a bhreac an scéal síos uaithi, agus foilsíodh an leabhar sa bhliain 1936.

Rinne na glúinte de dhaltaí meánscoile in Éirinn staidéar ar an leabhar seo agus bhí mórán acu nach raibh buíoch de Pheig bhocht. Dar leo gur pionós a bhí ann, agus is dócha gur chuir an leabhar isteach ar mhná óga níos mó ná ar na buachaillí. Ní téacs éigeantach a bhí riamh in Peig. Mar sin féin roghnaigh mórán múinteoirí an leabhar do scrúdú Gaeilge na hArdteistiméarachta go dtí 1999.

Tagairtí[cuir in eagar | athraigh foinse]

  1. [1] Dáta a báis ó Ainm.ie, 4 Aib. 2015
  2. https://www.ainm.ie/Bio.aspx?ID=1680