Outlander

Outlander

Séanra	fantasy television series (en) , dráma teilifíse agus sraith theilifíse bunaithe ar úrscéal
Suíomh scéalaíochta	Albain agus Bostún
Socrú ceamara	socrú aoncheamara
Cruthaitheoir	Ronald D. Moore
Cumadóir	Bear McCreary
Aisteoirí	Caitriona Balfe Sam Heughan Tobias Menzies Gary Lewis (en) Graham McTavish (en) Lotte Verbeek Bill Paterson Stephen Walters Grant O'Rourke Laura Donnelly Dominique Pinon Stanley Weber Richard Rankin (en) Sophie Skelton Nell Hudson Clive Russell (en) Frances de la Tour David Berry John Bell Albie Marber (en) Simon Callow Douglas Henshall Steven Cree (en) Andrew Gower Rosie Day César Domboy Lauren Lyle Richard Dillane Ed Speleers Maria Doyle Kennedy Colin McFarlane Natalie Neaton Tantoo Cardinal Billy Boyd Carmen Moore Tom Jackson Sera-Lys McArthur Chris Larkin Ned Dennehy Mark Lewis Jones Glen Gould (en) Simon R. Baker James Fleet (en) Tracey Wilkinson Annette Badland Aislín McGuckin Jim Sweeney Claire Sermonne Marc Duret Lionel Lingelser Scott Kyle Julian Wadham (en) Gerard Horan Wil Johnson James Allenby-Kirk (en) Mark Hadfield Alison Pargeter Tim Downie Grant Stott (en) Leon Herbert Kyle Rees Hugh Ross Michael Xavier Gary Lamont Jack Tarlton Tom Brittney Robert Cavanah Melanie Gray (en) Prentis Hancock (en) Tim McInnerny John Sessions David McKay Bryan Larkin Diana Gabaldon Valerie Edmond Tam Dean Burn John Heffernan Andrew Whipp (en) Matthew Steer (en) Alan McHugh (en) Lochlann Ó Mearáin Mark McDonnell (en) Johnny Austin (en) Mark Prendergast (en) Francis Magee Richard Cant Frazer Hines (en) Brian McCardie Ian Hanmore Margaux Chatelier Gaia Weiss Howard Corlett (en) Scarlett Mack Maureen Beattie Brendan Patricks Charles Jamieson Simon Hoare (en) Colin Stinton Kimberley Nixon Geoffrey McGivern Rufus Wright (en) Ryan Fletcher Martin Delaney Martin Docherty-Hughes Murray McArthur Hannah James Tanya Reynolds Rupert Vansittart Beth Goddard Cyrielle Debreuil Paul Brightwell Keira Lucchesi (en) Kirsty Strain Ian Reddington Nigel Betts Karl Otto Thaning James Barriscale (en) Craig McGinlay Lee Boardman Simona Brown Crystle Lightning (en) Urs Rechn (en) Stuart McQuarrie Albert Welling Alec Newman Simon Harrison (en) Elizabeth Appleby (en) Mark Cox James Doherty Christopher Fairbank James Gaddas Christopher Bowen Miles Richardson Matthew Cottle Lorraine McIntosh Richard Gadd (en) Alexander Vlahos (en) Dyfan Dwyfor David Gant Barbara Patrick
Cuideachta léiriúcháin	Sony Pictures Television
Tír	Stáit Aontaithe Mheiriceá agus an Ríocht Aontaithe
Bunteanga	Béarla, Gaeilge na hAlban agus an Fhraincis
Bealach teilifíse	Starz (en)
Fad na n-eipeasóidí	64 min
An chéad eipeasóid	9 Lúnasa 2014
Líon séasúr	7
Líon eipeasóidí	83
Liosta eipeasóidí	list of Outlander episodes (en)
← Outlander: Blood of My Blood (en)
Gradaim	Critics' Choice Television Award for Most Exciting New Series (en) People's Choice Awards (en) Saturn Award for Best Actress on Television (en) People's Choice Awards (en) Critics' Choice Television Award (en) Saturn Award for Best Actress on Television (en) Saturn Award for Best Fantasy Television Series (en) People's Choice Awards (en) Satellite Award for Best Cast – Television Series (en) Satellite Award for Best Television Series – Genre (en) Saturn Award for Best Fantasy Television Series (en) Saturn Award for Best Fantasy Television Series (en) Saturn Award for Best Actor on Television (en)
Tuilleadh eolais
Suíomh oifigiúil	starz.com…

Is sraith teilifíse í Outlander a thosaigh i 2014. Tá sí bunaithe ar na leabhair a scríobh Diana Gabaldon. Ní fada i ndiaidh an Dara Cogadh Domhanda, téann an lánúin phósta Claire agus Frank Randall ar saoire in Inbhear Nis in Albain. Agus í amuigh ag siúl, tagann Claire ar na clocha ag Craigh na Dun (Gaeilge na hAlban: Creag an Dùin).

Sam Heughan

Tarlaíonn éispéireas osnádúrtha di agus leaindeálann sí san áit céanna i 1745 - amthaisteal atá i gceist. Buaileann Claire le Jamie Fraser, le Clann Choinnich (MacKenzie) agus le rógaire de chuid arm Shasana darb ainm Jonathan “Black Jack” Randall. Ag an am sin, tá gluaiseacht an tSeacaibíteachais ag bailiú nirt. Tá an tsraith seo bunaithe ar eachtraí na gcarachtar sa tréimhse roimh Chath Chùil Lodair (16 Aibreán 1746) agus an t-am díreach ina dhiaidh sin.

Scéal

Séasúr 1

Sa bhliain 1946, tá Claire agus Frank Randall ar saoire in Albain. Bhí siad scartha le linn bhlianta an chogaidh. Bhí Claire ina banaltra agus throid Frank ar son arm na Breataine. Ag Creag an Dùin (díreach taobh amuigh d’Inbhear Nis), téann Claire ar ais sna blianta tríd na clocha draíochta go dtí an bhliain 1745. Tá mearbhall iomlán ar Claire agus ní nach ionadh nach dtuigeann sí cad é atá i gceist ar dtús. Ag an am sin, tá Albain i mbun gluaiseachta na Seacaibíteach. Bhí sí i gcoimhlint le drochdhuine ó Arm Shasana darb ainm Jonathan “Black Jack” Randall. Tá gaol i bhfad ag Randall le Frank (fear céile Claire i 1946). Éalaíonn Claire agus buaileann sí le Clann Choinnich. Tugtar go caisleán Mhic Choinnich í agus is gairid go bhfuil sí ag baint úsáide as a scileanna banaltrachta. Ansin, castar Jamie Fraser uirthi, fear óg atá ag obair sa chaisleán, agus cuidíonn sé léi cúpla uair. Tá Clann Choinnich in amhras faoi Claire agus síleann siad gur spiaire í. Coinníonn siad í sa chaisleán, mar bhanaltra, agus cuireann seo bac ar Claire ag filleadh tríd na clocha go dtí a ham féin. Bhí uirthi Jamie a phósadh chun a bheith slán ó Randall ach sula i bhfad is cosúil go bhfuil sise agus Jamie ag titim i ngrá. Go grámhar, tugann Jamie an leasainm Sasanach ar Claire. Ar ndóigh, tá a fhios ag Claire go dteipfidh ar na Seacaibítigh agus baineann sí triail as rabhadh a thabhairt do Jamie. Gabhtar Jamie agus déanann Randall céasadh air sula ndéanann Claire agus Clann Choinnich tarrtháil air. Ag deireadh na sraithe, téann Claire agus Jamie chun na Fraince chun iarraidh a dhéanamh sléacht na Seacaibíteach a sheachaint.

Sam Heughan, Caitriona Balfe agus Diana Gabaldonː Outlander Premiere in NY

Séasúr 2

Sa dara séasúr, tá Jamie agus Claire i bPáras. Faoin am seo, tá a fhios ag Jamie gurb as an todhchaí í Claire agus tuigeann sé an sléacht ag Chùil Lodair a bheith i ndán do na Seacaibítigh. Buaileann siad leis an Phrionsa Séarlas Éadbhard Stiúbhairt, an té atá i mbun na Seacaibíteach. Déanann siad iarracht cosc a chur ar an airgead a dtabharfaidh an Rí Louis XV do chúis na Seacaibítigh ach ag an am céanna fanann siad cairdiúil leis an phrionsa. Filleann siad go hAlbain agus ar dtús, éiríonn leis na Seacabitigh. Baineann siad Blàr Shliabh a’ Chlamhain agus déanann siad ionrach ar cuid de Shasana, ach tá na saighdiúirí Albanacha rófhada ó bhaile agus tá orthu tarraing siar. Dála leis an fíor stair, baineann siad Cùil Lodair amach, réidh leis an chogadh deireanach den fheachtas. Roimh an chogadh, áitíonn Jamie ar Claire filleadh go dtí an fichiú aois, mar tá sise ag iompar clainne agus tá seisean cinnte go bhfaighfidh sé bás ar pháirc an chatha. Tá an chuid eile den séasúr bunaithe san fhichiú haois, fiche bliain i ndiaidh filleadh Claire, sa 1960ú. Is máinlia í anois agus tá Frank marbh le tamall beag anuas. Is bean óg í iníon Claire anois agus Brianna an t-ainm atá uirthi. Tugann siad cuairt ar Albain agus tagann na cuimhní ar ais ina sruth. Déanann Claire obair in éineacht le staraí áitiúil agus tagann sí ar sheancháipéis a thaispeánann nach bhfuair Jamie bás ar pháirc an air. Geallann Claire go bhfillfidh sí ar ais go Jamie.

Caitriona Balfe

Séasúr 3

Ag tús shéasúr 3, faighimid seans cad é go díreach a tharla ag Cath Chùil Lodair a fheiceáil. Dár ndóigh, cuirtear an ruaig ar na Seacabítigh. Maraíonn Jamie Randall ar pháirc an chatha ach gortaítear go dona é fosta. Gabhtar Jamie agus gearrtar pionós an bháis air ach ligtear a cheann leis. Díbrítear é go Sasana ar feadh roinnt blianta ag obair ar eastát mór ar parúl. Ansin, feicimid cad é a tharla do Claire nuair a d’fhill sí go hAlbain i 1948. Gealann Claire do Frank nach luafaidh sí ainm Jamie nó an tráth a chaith sí san am a chuaigh thart arís. Bogann siad go Boston agus tógann siad Brianna (iníon Jamie agus Claire) le chéile. Cláraíonn Claire i scoil leighis agus cáilíonn sí mar dhochtúir. Is minic a bhíonn Claire agus Frank ag argóint agus is cosúil go bhfuil Claire i ngrá le Jamie go fóill. Faigheann Frank bás i dtaisme bhóthair agus tugann sé seo muid go dtí an pointe ar fhág Séasúr 2 muid. Téann Claire tríd na clocha draíochta arís, agus is mór an t-iontas ar Jamie nuair a fheiceann sé í go dtiteann sé i laige. Is gearr go dtosnaíonn a gcuid eachtraí arís. Téann siad ar thóir taisce, a chuir Clann Choinnich i bhfolach blianta ó shin, chun airgead a thabhairt don bhean a phós Jamie cúpla bliain roimhe, agus Claire imithe. I rith na creiche, áfach, fuadaíonn foghlaithe mara Ian - nia Jamie. Téann Jamie agus Claire ar thóir na bhfoghlaithe mara trasna an Atlantaigh. Éiríonn leo tarrtháil a thabhairt ar Ian ach ina dhiaidh sin tarlaíonn longbhriseadh dóibh le linn spéirlinge ar a dturas ar ais go hAlbain agus tugtar iad chun talún slán ar chladach Georgia.

Tobias Menzies

Séasúr 4

Beidh séasúr 4 le fáil ar Amazon Prime ar 4 Samhain 2018. Beidh an scéal bunaithe in Georgia san ochtú céad déag aois ag an uair díreach roimh Chogadh Saoirse Mheiriceá.  

Príomhaisteoirí

Is aisteoir Éireannach í Caitríona Balfe (a rugadh ar 4 Deireadh Fómhair 1979 i mBaile Átha Cliath). Tógadh i dTigh Damhnata i gContae Mhuineacháin í. D’oibrigh sí mar maincín sa Fhrainc agus san Íodail. Bhí páirt aici sa scannán The Devil Wears Prada i 2006, ach tá sí clúiteach mar Claire Fraser sa tsraith Outlander a seoladh i 2014. Tá Gaeilge ag Caitriona agus déanann sí gach iarracht í a labhairt chomh minic agus is féidir. Tá rud beag Fraincise aici fosta.

Is aisteoir Albanach é Sam Heughan a rugadh in Balmalcellan, Albain ar an 30ú Aibreán 1980. Fuair sí cuid mhór gradam mar aisteoir agus bunús na ngradam seo don tsraith Outlander.

Is aisteoir Sasanach é Tobias Menzies. Rugadh ar 7 Márta 1974 é. Déanann sé páirt Frank Randall agus Jonathan “Black Jack” Randall sa tsraith Outlander.

Naisc sheachtracha

• Féach ar Outlander anois
• Suíomh oifigiúil Outlander ag Starz