Olof Palme

Olof Palme, 1978

Polaiteoir Sualannach ab ea Sven Olof Joachim Palme (30 Eanáir 1927- 28 Feabhra 1986) a bhí mar Phríomh-Aire na Sualainne idir 1969-1976 agus 1982-1986. Bhí sé ina cheannaire ar Pháirtí Daonlathach Sóisialta na Sualainne (SAP) ó 1969-1986.

Tá cáil idirnáisiúnta ar Palme mar gheall ar a bheartas eachtrach. Cháin sé Cogadh Vítneam, réimeas Franco sa Spáinn, réimeas Pinochet sa tSíle, cinedheighilt san Afraic Theas agus gníomhartha an Aontais Shóivéadaigh le linn Earrach Phrág. Thug sé roinnt cuairteanna stáit ar thíortha an tríú domhan, Cúba san áireamh.

Páirc Almedalen, Gotland sa bhliain 1966

Mar cheannaire an fhreasúra, bhí Palme ina idirghabhálaí de chuid na Náisiún Aontaithe sa Chogadh Iaráin - Iaráic.

Dúnmharaíodh Palme ar 28 Feabhra 1986 i Sveavägen i Stócólm. Ba é seo an chéad dúnmharú nua-aimseartha ar cheann rialtais sa tSualainn. Tá dúnmharú Palme fós gan réiteach.

Foinsí

Berggren, Henrik (2010). Underbara dagar framför oss: en biografi över Olof Palme. Stockholm: Norstedt.