Hugo Pratt

Hugo Pratt

Beathaisnéis
Breith	(it) Ugo Eugenio Prat 15 Meitheamh 1927 Rimini, An Iodáil
Bás	20 Lúnasa 1995 68 bliana d'aois Pully, An Eilvéis
Siocair bháis	Bás nádúrtha (Ailse cholaireictach)
Áit adhlactha	Grandvaux
Faisnéis phearsanta
Áit chónaithe	Grandvaux
Gníomhaíocht
Réimse oibre	Coimicí agus scríbhneoireacht chruthaitheach agus phroifisiúnta
Gairm	ealaíontóir greannáin
Mac/iníon léinn	Alfonso Font
Ainm cleite	Hugo Pratt
Teangacha	An Iodáilis
Saothar
Saothar suntasach (1967) Corto Maltese (1983) Tutto ricominciò con un'estate indiana
Gradam a fuarthas (2005)  Will Eisner Hall of Fame (en) (1989)  Grand prix de la ville d'Angoulême (1987)  Angoulême International Comics Festival Prize for Best Album (en) , as a saothar Tutto ricominciò con un'estate indiana (1977)  Prix Saint-Michel (1974)  Prix Saint-Michel, as a saothar Les Scorpions du désert (fr) (1969)  Yellow Kid Award (en)
Síniú

I Rimini san Iodáil a rugadh an t-úrscéalaí grafach Hugo Pratt (Ugo Eugenio Prat, 15 Meitheamh 1927 – 20 Lúnasa 1995). Chaith sé a shaol idir an Veinéis, an Airgintín, an Fhrainc, agus an Eilvéis. Is é an tsraith Corto Maltese an tsraith is iomráití dá chuid, tá breis agus fiche leabhar scríofa aige, iad aistrithe in iliomad teangacha.

Saol

Saolaíodh Hugo Pratt i Rimini sa bhliain 1927, agus d’fhás sé suas sa Veinéis. Sa bhliain 1937 chuaigh sé is a mháthair Evelina Genero Pratt chun cónaí san Aetóip, mar a raibh a athair Rolando Pratt in arm na hIodáile. Gabhadh a athair i 1941 agus fuair sé bás le fiabhras i gcampa géibhinn Sasanach i 1942. Sa bhliain chéanna, cuireadh Hugo agus a mháthair i gcampa géibhinn san Aetóip.

Tar éis an chogaidh chuaigh sé ag obair mar chartúnaí sa Veinéis, agus go gairid ina dhiaidh sin d’aistrigh sé go dtí an Airgintín le hobair a dhéanamh in earnáil na gcoimicí in Buenos Aires. Taistealaí mór a bhí ann, agus chaith sé tréimhsí ina dhiaidh sin ag obair idir an Airgintín, Londain, Páras agus an Eilvéis.

Cailleadh le hailse é san Eilvéis i 1995.

Saothar

In irisí éagsúla d’fhoilsigh sé scéalta grafacha a bhain le Corto Maltese, Gli scorpioni del deserto (scairpeanna an fhásaigh) agus Jesuit Joe. Cé gur bhain sé cáil ar leith amach leis an gcarachtar Corto Maltese, lean sé air ag forbairt is ag foilsiú ábhar nua i gcaitheamh a shaoil. Rinneadh dhá scannán beochana bunaithe ar an tsraith. In 2005 ainmníodh é san Will Eisner Award Hall of Fame.

Corto Maltese

Cuireadh tús leis an tsraith le Port na Farraige Goirt (Iodáilis: Una ballata del mare salato), sa chéad eagrán den mhíosachán Il Sergente Kirk i mí Iúil. Smuigléirí agus foghlaithe mara i ndeisceart an Aigéin Chiúin roimh thús an Chéad Chogaidh Dhomhanda atá mar chúlra leis an scéal. I 1970, d’aistrigh Pratt go dtí an Fhrainc agus thosaigh ag obair ar shraith scéalta gearra Corto Maltese don iris Franca-Bheilgeach Pif Gadget. I 1974 d’fhill sé ar na scéalta fada, agus chuir sé Corto i 1918 go dtí an tSibéir sa scéal Corte sconta detta arcana (Corto Maltese sa tSibéir), a foilsíodh i bhfoirm sraithe ar dtús san iris Linus; agus i 1980 chuir sé Corto ar thuras trasna na hÁise in An Teach Órga i Samarkand.

I 1976, foilsíodh Port na Farraige Goirt i bhfoirm leabhair, agus bronnadh an duais don saothar réalaíoch eachtrannach dó ag Féile Angoulême i 1976.

Lean Pratt air ag foilsiú scéalta nua as sin go dtí 1989 nuair a foilsíodh an leabhar deireanach leis, Mu.

Tagairtí

• Croineolaíocht foilseacháin Corto Maltese FFF (Iodáilis)
• Foilseacháin Corto Maltese in Pif Gadget Curtha i gcartlann 2007-09-30 ar an Wayback Machine BDoubliées (Fraincis)

Fonótaí

Nascanna Seachtracha

• Cartlann Hugo Pratt
• Ar lorg Chorto Maltese
• Siopa oifigiúil Corto Maltese ar líne Curtha i gcartlann 2016-11-04 ar an Wayback Machine
• Hugo Pratt dossier FFF Teimpléad:It icon
• foilseacháin Hugo Pratt in Pif Curtha i gcartlann 2007-02-21 ar an Wayback Machine, (A SUIVRE), Pilote Curtha i gcartlann 2007-02-21 ar an Wayback Machine agus Le journal de Tintin Curtha i gcartlann 2007-02-21 ar an Wayback Machine BDoubliées Teimpléad:Fr icon