Dolores O'Riordan

Ón Vicipéid, an chiclipéid shaor.
Jump to navigation Jump to search
Dolores O'Riordan
Dolores O'Riordan performing in May 2012.jpg
Saol
Ainm iomláin Dolores Mary Eileen O'Riordan
Eolas breithe Baile Bricin, 6 Meán Fómhair 1971
Náisiúntacht Poblacht na hÉireann
Bás Londain, 15 Eanáir 2018
Áit imtheorannaithe Baile Hiobaird
Na cúinsí a bhaineann lena b(h)ás timpiste ()
Education
Teangacha An Béarla
Gairm
Gairm Ceoltóir agus Amhránaí is scríbhneoir
Ainmníodh é/í le haghaidh
Daoine le tionchar air/uirthi Duran Duran agus The Smiths
Ballraíocht The Cranberries
D.A.R.K.
Gluaiseacht ealaíne Rac malartach
rac indie
post-grunge
rac Ceilteach
Cineál guth mezzo-soprano
Uirlis cheoil ceol gutha
Uirlis mhéarchláir
giotár
Feadóg stáin
Lipéad ceoil Interscope Records
Sanctuary Records
Cooking Vinyl
Rounder Records
Belief
Reiligiúin Eaglais Chaitliceach Rómhánach
IMDb nm0642512
www.cranberries.com/site/
Dolores O'Riordan signature.svg
26 Márta 2012, Amharclann Enmore, Sydney, An Astráil

B'amhránaí Éireannach í Dolores O'Riordan (6 Meán Fómhair 1971 i Luimneach - 15 Eanáir 2018 i Londain). An príomhamhránaí sa ghrúpa The Cranberries ab ea í.

Bhain Dolores O'Riordan cáil idirnáisiúnta amach leis na Cranberries agus dhíol an grúpa breis agus 40 milliún ceirnín[1]. Scríobh sí cuid mhór de na hamhráin a chan sí í féin. Ba bhreitheamh ar The Voice of Ireland í. Dhíol The Cranberries níos mó ná daichead milliún dlúthdhiosca ar fud an domhain.  Bhí glór Dolores an-difriúil, agus chan sí i gcónaí lena blas Éireannach[2].

Óige[cuir in eagar | athraigh foinse]

Barcelona, 2010-03-13

Rugadh Dolores ar an 6ú Meán Fómhair 1971 i mBaile Bricín i gContae Luimnigh, an páiste ab óige i gclann seachtair. B’fheirmeoirí iad a muintir. Baisteadh mar Chaitliceach í agus bhí mór-thionchar ag a creidimh uirthi agus í ag fás suas.

Chuaigh sí ar an mbunscoil i gCathair Éile agus ar meánscoil Cnoc Na Labhrás i gCathair Luimnigh.

The Cranberries[cuir in eagar | athraigh foinse]

Bhunaigh na deartháireacha Maidhc agus Nollaig Ó hÓgáin as Luimneach agus Feargal Ó Leathlobhair ón bPáirtín, Contae an Chláir The Cranberries Saw Us sa bhliain 1989. D'fhág an príomhamhránaí Niall Ó Cuinn an grúpa sa bhliain dár gcionn agus tháinig a chara Dolores isteach sa bhanna.

Barcelona 2010-03-13

Tar éis iad a gcéad albam “Everybody Else Is Doing It, So Why Can't We?” a chur amach sa bhliain 1993, ghearr an grúpa an t-ainm go dtí The Cranberries.

Cé go raibh leanúint láidir ag an mbuíon i Luimneach ar dtús, ba i Meiriceá a bhain siad mór-chlú amach, go mór mór ar chúrsa na n-ollscoileanna. Dhíol an chéad albam go láidir ar dhá bhruach an Atlantaigh agus d’fhoilsigh siad ceithre albam eile ina dhiaidh, "No Need to Argue" (1994), "To the Faithful Departed" (1996), "Bury the Hatchet" (1999) agus "Wake Up and Smell the Coffee" (2001) chomh maith leis an mbailiúcháin “Stars - The Best of 1992 – 2002” (1992).

Is deartháir léi P.S. Ó Ríordáin, bainisteoir na gCranberries.

I ndiaidh na gCranberries[cuir in eagar | athraigh foinse]

Dolores O'Riordan

Cé nár bhriseadar suas riamh go hoifigiúil, chan na Cranberries le chéile don uair dheireanach sa bhliain 2003 agus lean na baill a spéiseanna pearsanta féin.

Chan Dolores an t-amhrán “Pure Love” leis an Iodálach Zucchero ar an albam “Zu & Co” (2004) agus sa bhliain céanna d’oibrigh sí leis an gcumadóir Angelo Badalamenti ar fhuaimrian an scannáin “Evilenko” .

Chan Dolores “Mirror Lover” ar albam “Tripomatic Fairytales 3003” le Jam & Spoon.

Chuir sí a céad albam aonair “Are You Listening?” amach i mí Bealtaine na bliana 2007.

2010-05-12

Saol pearsanta[cuir in eagar | athraigh foinse]

Bhí Dolores pósta leis an gCeanadach Don Burton, iar-bhainisteoir an ghrúpa Sasanach Duran Duran. Bhí triúr clainne (Taylor, Molly agus Dakota) aici agus leas-mhac (Donnie). Bhí cónaí orthu i mBinn Éadair, Contae Átha Cliath. Chomh maith le sin, Bhí caibín adhmaid aici in Ontario, Ceanada, graí capaill i gCill Mocheallóg, Contae Luimnigh, agus villa saoire i mBenissa na Spáinne.

Gabhadh Dolores tar éis "buile aeir" a tháinig uirthi agus í ag eitilt abhaile ó Nua-Eabhrac ar an 10 Samhain, 2014. Bhí uirthi sé mhíle euro a chur i mbosca na mbocht mar phionós.[3]

Bás[cuir in eagar | athraigh foinse]

Ar an 15 Eanáir 2018 i Londain, bhásaigh Dolores go tobann i Londain. Bhí sí 46 bliain d'aois.

Tuigtear go raibh sí i Londain le hamhráin a thaifeadadh i stiúideo ansin. San óstán Hilton i bPark Lane a fuarthas a corp.

Tagairtí[cuir in eagar | athraigh foinse]