Cóiméad Shoemaker-Levy 9

Cóiméad Shoemaker-Levy 9
Cineál	cóiméad
Fionnachtaí	Carolyn S. Shoemaker Eugene Merle Shoemaker David H. Levy
Dáta fionnachtana	24 Márta 1993, Réadlann Palomar
Eapainm	Eugene Merle Shoemaker, Carolyn S. Shoemaker agus David H. Levy
Réad tuismitheora	Iúpatar
Sonraí fithiseacha
Apaipsis	8.34903 AU
Pearaipsis	5.38056 AU
Ais mhór a	6.864795 AU
Éalárnacht e	0.216209
Claonadh i	94.2 °
Dátaí pearaipsise	24 Márta 1994
Saintréithe fisiceacha agus réaltmhéadracha
Trastomhas	1.8 km

Cóiméad a d'imbhuail Iúpatar i 1994. D'fhionn an réalteolaí Carolyn Shoemaker (1929-), a fear céile an réaltgheolaí Eugene Shoemaker (1928-1997), agus an réalteolaí amaitéarach David Levy (1948-) an cóiméad ag réadlann Palomar i gCalifornia i 1993. De réir dealraimh, tharla dó dul róghar d'Iúpatar ionas gur aomadh isteach go hiomlán é ag imtharraingt láidir an phláinéid, an ceann is mó i gcóras na Gréine, 12 oiread thrastomhas an Domhain is níos mó maise ann ná na pláinéid uile eile le chéile. D'imbhuail sé an pláinéad i níos mó ná 20 píosa, agus steall siad atmaisféar daite Iúpatair. Tharla sin ar an taobh thall den phláinéad uainn, ach d'éirigh le spásteileascóp Hubble íomhánna iontacha de na hionaid imbhuailte ar dhromchla Iúpatair a fháil is a chraoladh ar ais ar Domhan. Ba é an chéad uair a bhfacthas a leithéid de dhíothú cóiméid.