Réalteolaí

Ón Vicipéid, an chiclipéid shaor.
WD Bosca Sonraí GairmRéalteolaí
Cineál fostaíochta
eolaí
Réimse oibre
réalteolaíocht


The Astronomer le Johannes Vermeer, 1668. Tá réalteolaí ag obair le feiceáil sa phictiúr.

Is é is réalteolaí ann ná duine a dhéanann staidéar agus taighde ar an réalteolaíocht, is é sin, ar na réaltaí, ar na reanna neimhe agus ar na dlíthe nádúrtha a stiúrann iad. An té a rachaidh leis an réalteolaíocht mar shlí bheatha, caithfidh sé an fhisic agus an mhatamaitic a fhoghlaim go maith freisin, ós rud é go mbeidh scileanna sna heolaíochtaí seo ag teastáil go géar uaidh.

Inniu, úsáidtear a lán gléasanna teicneolaíochta i dtaighde réalteolaíochta, ar nós teileascóp Hubble agus na ríomhairí, le maolú ar an strus a bhaineann leis an taobh matamaiticiúil den réalteolaíocht..

Réalteolaithe tábhachtacha[cuir in eagar | athraigh foinse]

Réalteolaí Fionnachtana
Nioclás Copernicus (1473-1543) B'é Copernicus (Polainnis: Mikołaj Kopernik) an chéad réalteolaí tábhachtach sna nua-aoiseanna a chuir an grianlárnachas chun cinn mar thuiscint ar ghluaiseachtaí na bpláinéad.
Galileo Galilei (1564-1642) B'é Galileo Galilei ba túisce a bhain úsáid as an teileascóp le taighde a dhéanamh ar na reanna neimhe. B'eisean a chuir an chéad sonrú sna ceithre ghealach is mó de chuid Iúpatair.
Isaac Newton (1643-1727) D'fhoilsigh sé Philosophiae Naturalis Principia Mathematica, mórshaothar eolaíochta, inar leag sé amach dlíthe nádúrtha na gluaiseachta.
Subramanayan Chandrasekhar (1910-1995) Chuir sé teoiric coibhneasachta Albert Einstein in oiriúint don réalteolaíocht. D'áirigh sé teorainn Chandrasekhar agus rinne sé an-fhorbairt ar thuiscint na heolaíochta ar na dúphoill.
Jocelyn Bell Burnell (1943 - ) Is réalteolaí Éireannach í Bell Burnell. D'aimsigh sí an chéad radaphulsár.