Christopher Nolan (scríbhneoir)

Ón Vicipéid, an chiclipéid shaor.
Jump to navigation Jump to search
Christopher Nolan
Christopher Nolan.jpg
Dáta breithe 6 Meán Fómhair, 1965
  An Muileann gCearr, Éire
Dáta báis 20 Feabhra, 2009
  Ospidéal Beaumont, Baile Átha Cliath
Náisiúntacht Éireannach
Gairm Úrscéalaí, gearrscéalaí, file

Ba scríbhneoir agus file Éireannach é Christopher Nolan (6 Meán Fómhair 1965 - 20 Feabhra 2009[1]). Bhain an Nuallánach ardcháil amach, ar an 19 Eanáir 1988, nuair a bhronn an duais litríochta Whitbread ("Costa" inniu) ar Under the Eye of the Clock, leabhar dírbheathaisnéiseach dá chuid. Bhuail sé amach na hiomaitheoirí eile ar an lá sin : Seamus Heaney, Ian McEwan, agus Richard Ellmann.

Bhí pairilis cheirbreach air ó rugadh é, mar gheall ar easpa ocsaigine a bhí air le linn na breithe agus ní raibh lúth na ngéag ná a choirp aige dá bharr. Ach níor mhaolaigh an mháchail fhisiceach sin ar a intleacht in aon chor, rud a bhí soiléir óna shaothar scríofa.

Óige[athraigh | athraigh vicithéacs]

Rugadh Christopher Nolan do Joseph agus Bernadette Nolan agus bhí deirfiúr amháin aige, darb ainm Yvonne. Tógadh é sa Mhuileann gCearr, i gContae na hIarmhí, ach bhog sé go Baile Átha Cliath dá oideachas. Agus Nolan ag cur faoi sa phríomhchathair, d'fhreastail sé ar Scoil an Chlinic Lárnaigh Íocshláintigh, ar Scoil Chuimsitheach Mount Temple agus ar Choláiste na Tríonóide.

Whitbread London.JPG

Saol agus Saothar[athraigh | athraigh vicithéacs]

Cé nach raibh cumas corpartha aige, bhíodh Nolan in ann a cheann a bhogadh méid áirithe agus d'úsáideadh sé gléas scríofa speisialta a bhíodh ceangailte dá cheann, le bheith ag scríobh. Ceapadh é ina bhall d'Aosdána i 1998.

Bhronn Cumann Scríbhneoirí na Náisiún Aontaithe Bonn Feabhais ar an Nuallánach.

Bhronn Ollscoil Lancaster dochtúireacht oinigh air sa bhliain 1991.

Bás[athraigh | athraigh vicithéacs]

Fuair an Nuallánach bás tar éis dó tachtadh ar a chuid bia. Shíothlaigh sé ag 2.30am ar 20 Feabhra 2009, in Ospidéal Beaumont, i mBaile Átha Cliath.

Ospidéal Beaumont, i mBaile Átha Cliath

Leabhair[athraigh | athraigh vicithéacs]

  • Dam-Burst of Dreams - Dánta agus gearrscéalta (1981)
  • Under the Eye of the Clock - Dírbheathaisnéis (1987)
  • Torchlight and Lazer Beams - Leagan drámaíochta dá dhírbheathaisnéis, Under the Eye of the Clock (1988)
  • The Banyan Tree - Úrscéal (1999)

Tagairtí[athraigh | athraigh vicithéacs]