An Mhalaeis

Ón Vicipéid, an chiclipéid shaor.
Jump to navigation Jump to search
Infotaula de llenguaAn Mhalaeis
Bahasa Melayu agus بهاس ملايو‎
Cineál teanga, macraitheanga agus teanga bheo
Úsáid
Cainteoirí dúchais 77,000,000 (2007)
Dúchasach do Malaeich
Stáit An Mhalaeisia, An Indinéis, Brúiné, Singeapór agus An Tíomór Thoir
Malayophone world.svg
Aicmiú teangeolaíoch
teanga dhaonna
Austro-Tai (en) Aistrigh
teangacha Astrainéiseacha
Teangacha Malae-Pholainéiseacha
Nuclear Malayo-Polynesian (en) Aistrigh
Malayo-Sumbawan (en) Aistrigh
Malayic (en) Aistrigh
Malayan (en) Aistrigh
Tréithe
Córas scríbhneoireachta Malay alphabet (en) Aistrigh, Jawi alphabet (en) Aistrigh agus aibítir Laidineach
Institiúid caighdeánaithe Dewan Bahasa dan Pustaka (en) Aistrigh, Dewan Bahasa dan Pustaka Brunei (en) Aistrigh agus Language and Book Development Agency (en) Aistrigh
Cóid
ISO 639-1 ms
ISO 639-2 msa
ISO 639-3 msa
Glottolog indo1326
Linguasphere 31-MFA-a
Ethnologue msa
ASCL 6505
IETF ms

Teanga Mhalae-Pholainéiseach í an Mhalaeis a labhraítear sa Mhalaeisia agus i dtíortha eile ina timpeallacht, go háirithe. Le fírinne, is deacair a rá cé acu aon teanga amháin nó grúpa teangacha atá ann, agus ón taobh eile de, tá an Indinéisis chomh cóngarach do Mhalaeis chaighdeánach na Malaeisia is gur féidir a rá nach bhfuil iontu ach canúintí aon teanga amháin. Ón taobh eile de, tá an cineál Malaeise a labhraítear i mBrúiné chomh difriúil is go bhfuil sé beagnach dothuigthe ag na Malaeisiaigh.

Bahasa Malaysia a thugtar ar an gcineál Malaeise a shaothraítear sa Mhalaeisia féin mar theanga náisiúnta. Má táthar ag trácht ar an Malaeis sa chiall fhairsing, is fearr Bahasa Melayu a thabhairt uirthi. Bahasa Indonesia a thugtar ar an Indinéisis. "Teanga" is ciall leis an bhfocal sin bahasa, agus is focal iasachta ón tSanscrait é.

Tá Malaeis chaighdeánach na Malaeisia bunaithe ar chanúint Johore agus Riau, agus is í an aibítir Laidineach is mó a úsáidtear sa scríbhneoireacht, cé go bhfuil traidisiún úsáidte na litreach Arabach beo sa tír i gcónaí. Tá an Indinéisis ag dul i bhfeidhm ar an Malaeis ar na saolta seo, toisc go bhfuil tionsclaíocht láidir phopchultúrtha (sobalscéalta teilifíse agus araile) ag an Indinéis.

Is í an difríocht is suntasaí idir an dá theanga ná tionchar na hOllainnise ar an Indinéisis. Na críocha arb iad an Mhalaeis iad, bhí siad á rialú ag na Sasanaigh i ré an choilíneachais, rud a chiallaíonn gur fhág an Béarla an-lorg ar an Malaeis san am sin féin. San am chéanna ba i Ollainnis a bhí oifigiúil san India Thoir Dhúitseach.

Tagairtí[cuir in eagar | athraigh foinse]

Naisc sheachtracha[cuir in eagar | athraigh foinse]