Alexander Kerensky

Ón Vicipéid, an chiclipéid shaor.
Alexander Kerensky
Kerensky--russianrevolutio00leviuoft.png
Ball de Chomhthionól na Rúise


Ball den Duma Stáit de Impireacht na rúise


Príomh-Aire na Rúise

Iúil 21, 1917 - Samhain 7, 1917
Georgy Lvov (en) Aistrigh - Vlaidímír Leinín
Saol
Eolas breithe Ulyanovsk, 22 Aibreán 1881 (in Julian calendar), 2 Bealtaine 1881
Náisiúntacht Poblacht na Rúise
Impireacht na Rúise
Teanga dhúchais An Rúisis
Bás Nua-Eabhrac, 11 Meitheamh 1970
Áit adhlactha Reilig Putney Vale
Muintir
Athair Fedor Kerensky
Céile/Céilí Olga Kerensky (en) Aistrigh  1939)
Lydia Tritton  (1939 -
Páistí
Oideachas
Alma mater Faculty of Law, Saint Petersburg State University (en) Aistrigh
Teangacha An Rúisis
An Béarla
Gairm
Gairm polaiteoir, dlíodóir agus réabhlóidí
Áit oibre Cathair Pheadair
Fostóirí Ollscoil Stanford
Cleamhnú
Reiligiúin Ceartchreidmheach an Oirthir
Páirtithe polaitíochta Páirtí na Sóisialaithe Réabhlóideacha
Trudoviks (en) Aistrigh
IMDb nm0449292
Kerensky autograph.svg
Alexander Kerensky

Polaiteoir Rúiseach ab ea Alexander Kerensky (Rúisis: Алекса́ндр Фёдорович Ке́ренский, Aleksandr Fëdorovič Kerenskij; 4 Bealtaine 188111 Meitheamh 1970 i Nua Eabharc), idir oifigeach agus réabhlóidí. Bhí sé i gceannas ar Shóivéid Petrograd ar dtús, agus ansin ar Rialtas Sealadach na Rúise i ndiaidh Réabhlóid na Feabhra.

An rialtas sealadach, 1917[cuir in eagar | athraigh foinse]

1917

B'é an fhadhb a bhain leis an rialtas seo ná nár éirigh siad as an gcogadh, cé go raibh tuirse ar mhuintir na Rúise ar fad i ndiaidh bhlianta fada an chogaidh. Ó bhí na Boilséivigh ag gealladh síochána, fuair siad cuid mhaith tacaíochta dá gcuid iarrachtaí an Rialtas Sealadach a chur ar ceal.

Bhí Kerensky ag déanamh a dhichill leis na saighdiúirí a choinneáil i mbun troda, agus ní raibh caill ar bith air mar óráidí. Spreag sé an t-arm an uair dheireannach i rith an ionsaí i Mí Iúil. Ar dtús, bhí ag éirí leo, ach diaidh i ndiaidh, thráigh an soláthar orthu, agus bhí na Gearmánaigh ábalta an t-ionsaí a stopadh.

Nuair a bhí teipthe ar an ionsaí, thosaigh an t-arm ag titim as a chéile le linn na "laethanta i Mí Iúil", mar is gnách a thabhairt ar an tréimhse i ndiaidh na teipe. Chuathas ar stailc ina lán áiteanna, agus thosaigh na trioblóidí sna cathracha. D'fhéach Kerensky leis na Boilséivigh a chaitheamh i dtóin phríosúin, ach ní raibh na ginearáil róshásta comhoibriú leis a thuilleadh. Ansin, chinn an Ginearál Lavr Kornilov ar Chathair Pheadair a ghabháil "leis an tsíocháin a chur ar bun arís".

Fuair Kerensky tearmann sna Stáit Aontaithe: Washington, D.C., 21. Aib. 1938

B'fhearr le Kerensky na Boilséivigh féin ná deachtóireacht Kornilov, agus mar sin, scaoil sé saor na Boilséivigh arís eile, le go gcabhróidís leis coup d'état an ghinearáil a chosc. Ansin, thréig na Cosacaigh Kornilov, agus ní raibh arm ag an nginearál a thuilleadh.

Kerensky le Deni, 1917

Réabhlóid Dheireadh Fómhair[cuir in eagar | athraigh foinse]

Cúpla seachtain i ndiaidh na heachtra seo, shealbhaigh Lenin agus na Boilséivigh an chumhacht sa Rúise i Réabhlóid Dheireadh Fómhair. D'éalaigh Kerensky ón gcathair nuair a chonaic sé céard a bhí ag tarlú, agus d'fhág sé an chuid eile den Rialtas Sealadach sáinnithe sa Phálás Geimhridh.

Tearmann[cuir in eagar | athraigh foinse]

Theith Kerensky as an tír nuair a shealbhaigh na Boilséivigh an chumhacht. Fuair sé tearmann ar dtús sa Fhrainc. Theith sé arís sa bhliain 1940 nuair a bhrisih an Dara Cogadh Domhanda amach.

Lonnaigh Kerensky sna Stáit Aontaithe agus d'fhan sé ansin a raibh fágtha dá shaol. Bhí sé ag léachtóireacht faoi stair na Rúise, agus scríobh sé cúpla leabhar faoin Rúis agus faoi imeachtaí na réabhlóide.

D'éag Kerensky i Nua-Eabhrac sa bhliain 1970 (artairiscléaróis).

Féach freisin[cuir in eagar | athraigh foinse]

Tagairtí[cuir in eagar | athraigh foinse]

Naisc sheachtracha[cuir in eagar | athraigh foinse]