Dúnmharú George Floyd

Dúnmharú George Floyd
	Múrphictiúr ag léiriú portráid George Floyd i Mauerpark, Beirlín
	44° 56′ 04″ N, 93° 15′ 45″ O / 44.93433°N,93.26244°W
Cineál	dúnmharú ; brúidiúlacht na bpóilíní sna Stáit Aontaithe
Dáta na bliana	25 Bealtaine 2020
Suíomh	Powderhorn, Minnesota
Tír	Stáit Aontaithe Mheiriceá
Cúis	brúidiúlacht na bpóilíní
Is cúis le	agóidí George Floyd ; cás in aghaidh Derek Chauvin 2020 ; Eulogy of Al Sharpton at the George Floyd Funeral (en)
Íospartach	George Floyd íospartach dúnmharaithe
Líon básanna	1
Líon gortaithe	0
Déantóir na coire	Derek Chauvin (garda, dúnmharfóir)
Haischlib	#GeorgeFloyd, #Icantbreathe agus #Sayhisname

Tharla dúnmharú George Floyd, fear ón gcine gorm, i Minneapolis ar 25 Bealtaine 2020, tar éis do na póilíní é a ghabháil.^[1] Sáinníodh Floyd ar an talamh agus choinnigh póilín, Derek Chauvin a ghlúin ar a mhuineál nó go bhfuair sé bás tar éis breis is naoi nóiméad.

Bhí slua ann ag breathnú ar an eachtra nuair a tachtadh Floyd. Rinneadh scannánú ar an eachtra. Ghlac Darnella Frazier, bean óg (17 bliain ag an am), an físeán den dúnmharú.^[2]

Cor cinniúnach ba ea an cás Floyd i stair Mheiriceá maidir le freagracht na bpóilíní.^[3] Bhí cosúlachtaí idir cás George Floyd agus ionsaithe ciníocha eile, mar shampla cás Amadou Diallo, Sean Bell agus go leor eile.^[4]

Agóidí

Tharla agóidí mar gheall ar chás George Floyd sna laethanta ina dhiaidh, taobh amuigh den Teach Bán in Washington DC, chomh maith le Nua-Eabhrac, Bostún, Chicago, Portland, Oregon, Atlanta, Los Angeles agus go leor cathracha eile ar fud na tíre^[5].

I dtvuít ar an 29 Bealtaine^[6], dúirt an tUachtarán Donald Trump go bhféadfadh sé an Garda Náisiúnta a chur go Minneapolis agus go bhféadfaidís daoine a bhí i mbun creachadóireachta a chaitheamh.^[7] Bhí sé tugtha le fios ag Twitter ag an am gur sháraigh an tvuít a gcuid rialacha ar an mbonn gur ag cothú foréigin a bhí sé.

Bhí comhaltaí de Gharda Náisiúnta Mheiriceá curtha ar dualgas i Minneapolis ar 29 Bealtaine.

Cáin

Bhí Uachtarán Mheiriceá, Donald Trump, cáinte. Iar-Rúnaí Cosanta Mheiriceá, James Mattis a rinne an cáineadh is mó, ag rá nach bhfuil tada ón Uachtarán Trump, ach an pobal ansin a scoilteadh.^[8] Dúirt an Taoiseach, Leo Varadkar go raibh easpa mór i gceannasaíocht mhorálta sna Stáit Aontaithe i bhfianaise an bhealaigh ar bhásaigh George Floyd.

Imeachtaí dlí

Ar dtús, bhí dúnmharú den tríú grád agus dúnorgain den dara grád, de réir dlí Mheiriceá, curtha i leith oifigeach as bás Floyd, Derek Chauvin, póilín den chine geal agus 44 bliain ag an am.. Ansin ar 3ú Meitheamh, tháinig méadú cuí ar na cúisimh i leith Chauvin. le cúisiú i ndúnmharú den dara grád.^[9]

Mhair an triail sa bhliain 2021 trí seachtaine agus thug 45 duine fianaise, an scamhógeolaí de bhunadh na hÉireann Martin Tobin ina measc.

Ar an 20 Aibreán 2021, chiontaigh giúiré Chauvin, sa trí chúis a bhí curtha ina leith, mar atá, dúnmharú den dara grád, dúnmharú den tríú grád agus dúnorgain.^[10]

Dúirt Uachtarán na Stát Aontaithe Joe Biden gur "céim ollmhór chun cinn i dtreo na córa" sa tír ba ea ciontú Chauvin, dúnmharú "a tharla os comhair an tsaoil a bhí ann agus gur bhain sé na dallóga de dhaoine ar fud an domhain." Smál ar anam an náisiúin atá sa chiníochas córasach, a dúirt sé.

Féach freisin

Tagairtí

↑ Nuacht RTÉ (2020-05-29). "Garda Náisiúnta Mheiriceá ar dualgas i Minneapolis" (as ga).
↑ Holly Yan CNN. "A teen with 'a cell phone and sheer guts' is credited for Derek Chauvin's murder conviction". CNN. Dáta rochtana: 2021-04-26.
↑ "Derek Chauvin ciontaithe i ndúnmharú George Floyd" (ga-IE). Tuairisc.ie. Dáta rochtana: 2021-04-26.
↑ "Póilíní Mheiriceá - brúidiúil nó réadúil?" (ga). Beo!. Dáta rochtana: 2020-05-30.
↑ Nuacht RTÉ (2020-06-01). "Cuirfiú sáraithe arís aréir ag léirsitheoirí i Meiriceá" (as ga).
↑ Donald Trump (29 Bealtaine 2020). "https://twitter.com/realdonaldtrump/status/1266231100172615680" (en). Twitter. Dáta rochtana: 2020-06-02.
↑ Donald Trump (scriosadh an giolc "looting then shooting", is cosúil, ach seo ceann eile) (29 Bealtaine 2020). "https://twitter.com/realdonaldtrump/status/1266434153932894208" (en). Twitter. Dáta rochtana: 2020-06-02.
↑ Nuacht RTÉ (2020-06-04). "Taoiseach cáinteach faoi cheannasaíocht i SAM i bhfianaise Floyd" (as ga).
↑ RnaG ar RTÉ Radio Player (21 Aibreán 2021). "Tús Áite: Ciontú Chauvin". www.rte.ie. Dáta rochtana: 2021-04-26.
↑ Nuacht RTÉ (2021-04-21). ""Céim mhór chun cinn i dtreo na córa is ea ciontú Derek Chauvin"" (as en).

[1] Nuacht RTÉ (2020-05-29). "Garda Náisiúnta Mheiriceá ar dualgas i Minneapolis" (as ga).

[2] Holly Yan CNN. "A teen with 'a cell phone and sheer guts' is credited for Derek Chauvin's murder conviction". CNN. Dáta rochtana: 2021-04-26.

[3] "Derek Chauvin ciontaithe i ndúnmharú George Floyd" (ga-IE). Tuairisc.ie. Dáta rochtana: 2021-04-26.

[4] "Póilíní Mheiriceá - brúidiúil nó réadúil?" (ga). Beo!. Dáta rochtana: 2020-05-30.

[5] Nuacht RTÉ (2020-06-01). "Cuirfiú sáraithe arís aréir ag léirsitheoirí i Meiriceá" (as ga).

[6] Donald Trump (29 Bealtaine 2020). "https://twitter.com/realdonaldtrump/status/1266231100172615680" (en). Twitter. Dáta rochtana: 2020-06-02.

[7] Donald Trump (scriosadh an giolc "looting then shooting", is cosúil, ach seo ceann eile) (29 Bealtaine 2020). "https://twitter.com/realdonaldtrump/status/1266434153932894208" (en). Twitter. Dáta rochtana: 2020-06-02.

[8] Nuacht RTÉ (2020-06-04). "Taoiseach cáinteach faoi cheannasaíocht i SAM i bhfianaise Floyd" (as ga).

[9] RnaG ar RTÉ Radio Player (21 Aibreán 2021). "Tús Áite: Ciontú Chauvin". www.rte.ie. Dáta rochtana: 2021-04-26.

[10] Nuacht RTÉ (2021-04-21). ""Céim mhór chun cinn i dtreo na córa is ea ciontú Derek Chauvin"" (as en).

[1]

[2]

[3]

[4]

[5]

[6]

[7]

[8]

[9]

[10]