Seaghan Mac an tSionnaigh
  | |
| Beathaisnéis | |
|---|---|
| Faisnéis phearsanta | |
| Scoil a d'fhreastail sé/sí | Coláiste Mhuire gan Smál - an Ghaeilge (2014–2017) Coláiste Mhuire gan Smál - an Ghaeilge (2009–2011) Coláiste Mhuire gan Smál - Baitsiléir Ealaíon (2005–2009) |
| Gníomhaíocht | |
| Gairm | aistritheoir, scríbhneoir |
| Teangacha | Béarla, an Ghaeilge, an Fhraincis agus Gaeilge na hAlban |
    | |
Is aistritheoir, ceoltóir, scríbhneoir, agus gníomhaí teanga Éireannach é Seaghan Mac an tSionnaigh.[1]
As Deisceart Chill Chainnigh é ó dhúchas, ach tá sealanna cónaí caite aige i Luimneach, i mBaile Átha Cliath, i gCorca Dhuibhne agus i mBéal Feirste. Lasmuigh d'Éirinn, tá cónaí déanta aige i gCeanada[2], sna Stáit Aontaithe[3] agus sa tSualainn[4], tíortha ar bhog sé chucu d'fhonn Gaeilge a mhúineadh in institiúidí ollscoile iontu.
Sa bhliain 2020 d'fhág sé a phost mar léachtóir sinsearach le teangacha Ceilteacha in Ollscoil Uppsala agus tá cónaí anois air sa Bhruiséil mar a n-oibríonn sé don Choimisiún Eorpach.
Saothar[cuir in eagar | athraigh foinse]
Bhain Seaghan amach céim dochtúra ó Choláiste Mhuire Gan Smál, Luimneach, sa bhliain 2017 i ngeall ar thráchtas Ph.D. a scríobh sé faoi sheanchaí ó Chorca Dhuibhne darbh ainm Seán Mac Criomhthain[5]. Tá míreanna éagsúla le Seaghan foilsithe in Comhar[6], Mionlach[7], Feasta[8], Nós[9], tuairisc.ie[10], Meon Eile[11], san Irish Times[12] agus sa Dublin Review of Books[13]. Le gnéithe éagsúla de chultúr na Gaeilge a bhíonn sé ag plé agus tá a chuid saothar acadúil foilsithe in irisleabhair phiarmheasta idirnáisiúnta, as Béarla, as Gaeilge, agus as Fraincis[14][15][16][17].
Tá dhá leabhar curtha amach aige mar gheall ar an bhfoclóirí Luimníoch T. O'Neill Lane; ceann as Gaeilge, le Coiscéim[18], agus ceann as Béarla, ar fhéinfhoilsigh sé é[19].
Rinne sé comhdháil Meanmanra a bhunú i bpáirt lena chara, Oisín Uíbh Eachach, agus sprioc acu téarmaíocht na Gaeilge a aclú don phlé fealsúnach. Dhá chnuasach aistí faoi eagarthóireacht na beirte a tháinig ar an saol de thoradh na comhdhála seo[20].
Mar le tograí cruthaitheacha de, tá roinnt dá chuid filíochta curtha i gcló in Poetry Ireland Review.
Ainmníodh aistriúchán dá chuid, An Triúr Triallach: An Congó arna fhoilsiú ag Dalen Éireann ar ghearrliosta aistriúchán Ghradam de Bhaldraithe ag duaiseanna liteartha an Oireachtais.
Na meáin[cuir in eagar | athraigh foinse]
Tá baint ag Seaghan le ceol úrnua as Gaeilge a chur chun cinn, agus bíonn a iarrachtaí féin sa réimse seo á gcur ar fáil aige ar a chaineál YouTube[21]. Bíonn sé i mbun comhoibriú le healaíontóirí eile chomh maith, faoi mar a fheictear sa chaimeo a bhí aige san fhíseán a ghabhann le dán de chuid Chiara Ní É dar teideal 'Dán Crá'[22], físeán dár chum sé an ceol olldoird a chloistear ann.
Ní hannamh Seaghan i mbun caint phoiblí a thabhairt ach an oiread[23][24] agus bíonn sé le cloisteáil mar aoi ar chláracha sna meáin Ghaeilge go minic.
Tagairtí[cuir in eagar | athraigh foinse]
- ↑ linkedin.com (2022). "Seaghan Mac an tSionnaigh". Dáta rochtana: 2022.
- ↑ "Seaghan Mac an tSionnaigh" (en-US). Ireland Canada University Foundation (2012-12-03). Dáta rochtana: 2020-10-26.
- ↑ "Seaghan Mac an tSionnaigh" (en-US). Fulbright. Dáta rochtana: 2020-10-26.
- ↑ Uppsala Celtic Students (2020). "@SwedishIrishSoc issued a commemorative journal". Dáta rochtana: 2022.
- ↑ "Seaghan Mac an tSionnaigh | European Commission - Academia.edu". euopa.academia.edu. Dáta rochtana: 2020-10-25.
- ↑ Comhar.ie. "Seaghan Mac an tSionnaigh" (ga). Comhar. Dáta rochtana: 2022-1-11.
- ↑ "March 29, 2020 – Misneach" (en-US). Dáta rochtana: 2020-10-25.
- ↑ "Feasta - clár". www.feasta.ie. Cartlannaíodh an bunleathanach ar 2020-10-28. Dáta rochtana: 2020-10-25.
- ↑ Seaghan Mac An tSionnaigh. "Leithghabháil Chultúrtha: Cá bhfuil an líne?" (en-US). NÓS. Dáta rochtana: 2020-10-25.
- ↑ "Seaghan Mac an tSionnaigh –" (ga-IE). Tuairisc.ie. Dáta rochtana: 2020-10-25.
- ↑ "Polarú na polaitíochta agus a thionchar < Meon Eile". www.meoneile.ie. Dáta rochtana: 2020-10-26.
- ↑ "The Gael Becomes Irish: the prospects for the Irish language in Ireland today" (en). The Irish Times. Dáta rochtana: 2020-10-25.
- ↑ "Foclóir or Folklore?". www.drb.ie. Dáta rochtana: 2020-10-25.
- ↑ "“The Vocative Case on People’s Mouths”: The Irish Folklore Commission and Illiterate Linguistics – Estudios Irlandeses" (es). Dáta rochtana: 2020-10-25.
- ↑ Seaghan Mac an tSionnaigh (2017-11-29). "“Un nouveau dictionnaire anglais-irlandais” : léirmheas Francach ar fhoclóir Éireannach" (as ga). Études irlandaises (42-2): 37–46. doi:. ISSN 0183-973X.
- ↑ IIIe Congrès du Réseau Francophone de Sociolinguistique (l'Université Paul-Valéry Montpellier 3) (2018). "Interventions sociolinguistiques chez des activistes irlandais, IDENTITÉS, CONFLITS ET INTERVENTIONS SOCIOLINGUISTIQUES". Dáta rochtana: 2022.
- ↑ Seaghan Mac an tSionnaigh (2019). "Seán Mac Criomhthain (1875–1955),Seanchaí Duibhneach" (2019):30–44 (Béascna).
- ↑ "Focail & Foclóireacht T. Ó Neill Lane le Seaghan Mac an tSionnaigh". www.coisceim.ie. Dáta rochtana: 2020-10-25.
- ↑ Seaghan Mac an tSionnaigh (2015). "The West Limerick Man Who Wrote a Dictionary: T. O'Neill Lane" (as en). Lulu.com.
- ↑ "Meanmanra - An tSíceolaíocht & an Fealsúnacht le". www.coisceim.ie. Dáta rochtana: 2020-10-25.
- ↑ "Agus Dúrt Léi".
- ↑ "FÍSDÁN: Dán Crá | Ciara Ní É | REIC - YouTube". www.youtube.com. Dáta rochtana: 2020-10-26.
- ↑ "The vocative case on people's mouths: the Irish Folklore Commission and illiterate linguistics".
- ↑ "The Songs and Spoken Word of Irish-speaking Ireland".