Joan Baez

Ón Vicipéid, an chiclipéid shaor.
Joan Baez
Joan baez01.jpg
Bunús Oileán Staten, Nua-Eabhrac
Tír Stáit Aontaithe
Gníomhach 1960 – inniu
Seánra(í) ceoil Ceol tíre
Lipéad/lipéid Vanguard (1960–71)
A&M (1972–77)
Portrait/CBS (1977–81)
Gold Castle (1987–91)
Virgin (1991–93)
Guardian (1995–2002)
Koch (2003+)
Suíomh gréasáin Joan Baez.com

Is amhránaí, ceoltóir agus cumadóir amhrán í Joan Chandos Baez. Rugadh ar an 9 Eanáir 1941 í, in Oileán Staten, Nua Eabhrac. Is soprano í, le réimse gutha trí ochtach, agus stíl ghuthach shainiúil aici.

Bhain sí cáil amach ag tús na seascaidí mar amhránaí tíre. Cé gur chum sí roinnt amhrán (mar shampla Blessed Are, Diamonds & Rust) tá níos mó cáil aici ó bheith ag canadh amhrán cumtha ag daoine eile, Bob Dylan ach go háirithe, ach chan sí amhráin cumtha ag The Beatles, The Rolling Stones, Paul Simon agus cumadóirí nach iad freisin.

Ba gníomhaí soisialta í i rith a saol. Bhí sí gníomhach ar son chearta daonna (sna Stáit Aontaithe agus i dtíortha eile), i gcoinne Chogadh Vitneam, i gcoinne an dá Chogadh Iarácach, ar son na timpeallachta, ar son chearta don lucht leispiach agus aerach agus in aghaidh phíonós an bháis. Chaith sí tamall i bpríosún sa bhliain 1967 tar éis léirsithe i gcoinne Chogadh Vitneaim.

Rugadh a máthair in Albain agus a h-athair i Meicsiceo. Ba bhaill de Chumann na gCarad é teaghlach Baez. Ba fisiceoir é athair Joan ach dhiúltaigh sé bheith páirteach i dtionscal na n-armadóireachta.

Phós sí David Harris, gníomhaí frith-choinscríobh, sa bhliain 1968. Bhí mac amháin acu, Gabriel. Cuireadh deireadh cáirdiúil leis an bpósadh sa bhliain 1973.

Naisc sheachtracha[athraigh | edit source]


CEOL
Is síol ceol é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.