Stáisiún Spáis Idirnáisiúnta

Stáisiún Spáis Idirnáisiúnta

Cineál misean	stáisiún spáis, saotharlann spáis agus artificial satellite of the Earth (en)
Oibritheoir	NASA    Gníomhaireacht Spáis na Rúise    Gníomhaireacht Spáis na hEorpa    Gníomhaireacht Taiscéalaíochta Aeraspáis na Seapáine    Gníomhaireacht Spáis Cheanada
NSSDCA ID	1998-067A
Uimh. SATCAT	25544
Airíonna árthaigh
Mais	419,725 kg
Toisí	66.4 () m Integrated Truss Structure: 94.5 () m
Tús an mhisin
Lainseáil roicéid Dáta 20 Samhain 1998
Iontráil i seirbhís	2 Samhain 2000
Gníomhachtaigh fithiseach Cineál fithise fithis íseal dhomhanda Éalárnacht 0.0010107 Pearaipsis 409 km Apoaipsis 422 km Claonadh 51.6401 ° Tréimhse 92.88 min Fithisí curtha i gcrích 146,495

Stáisiún spáis atá ag fithisiú an Domhain ag airde 400 km is ea an Stáisiún Spáis Idirnáisiúnta (ISS). Thosaigh NASA ar an bpleanáil sna 1980idí, ach d'fhás an scéim mar chomhoibriú idirnáisiúnta leis an Rúis, Ceanada, an tSeapáin, an Bhrasaíl, is an ESA. Tosaíodh an tógáil nuair a cuireadh dhá mhodúl le chéile sa spás i 1998. Tá timpeall 88 aistear déanta ag tointeálaí spáis Mheiriceá, agus feithiclí Soyuz is Progress na Rúise le hábhair tógála, teicneoirí is eolaithe don obair tógála is taighde. Beidh an obair tógála críochnaithe i 2011. Timpeall 350 tonna meáchain atá ann anois, é 109 m ar leithead, 20 m ar airde, 73 m ar fhad. 136 siúlóid spáis oibre (849 uair oibre taobh amuigh den stáisiún) a rinne spásairí Meiriceánacha, Rúiseacha is Eorpacha (ó 15 tír ina n-iomláine) sa tógáil. 6 shaotharlann ann, dírithe ar thaighde ar mhíochaine spáis, bitheolaíocht imtharraingteach, eolaíochtaí faoi mhicreadhomhantarraingt, fás criostal, ábhareolaíocht, eolaíocht an dócháin. Ina dhiaidh sin tá coilíneacht spáis le tógáil a bheidh fuinnmhithe ag grianfhuinneamh, a rothlóidh tapa go leor chun a dhomhantarraingt féin a chruthú, ina soláthrófar solas go hailtéarnach chun macasamhail den timthriall lae is oíche a dhéanamh.