Nancy Reagan

Ón Vicipéid, an chiclipéid shaor.
Nancy Reagan
Síniú Nancy Reagan

Baintreach Ronald W. Reagan, 40ú uachtarán na Stát Aontaithe is ea Nancy Reagan, a rugadh mar Anne Frances Robbins ar an 7 Iúil 1921 i gCathair Nua-Eabhrac. Fuair Nancy bás ar an 6 Márta, 2016.

Chaith Nancy Reagan a céad dhá bhliain in Queens, Nua-Eabhrac, ach d'fhás sí aníos i Maryland sa chuid ba mhó faoi chúram aint agus uncail léi. B'shin na blianta a raibh a máthair ag taisteal agus í ar lorg oibre mar aisteoir. Ansin phós a máthair néaramháinlia coimeádach darbh ainm Loyal Davis. Rinne Nancy staidéar ag Girls' Latin School of Chicago. Bhain sí céim amach in Smith College mar a ndearna sí staidéar ar Bhéarla agus ar dhrámaíocht.

Chuaigh Nancy leis an aisteoireacht díreach cosúil lena máthair agus fuair sí páirteanna i roinnt scannán. Ghlac sí an t-ainm Nancy Reagan ag an am sin. Phós sí aisteoir eile, Ronald W. Reagan, a bhí ina uachtarán ar an Screen Actors Guild ag an am.

Céad-Bhean Stát Chalifornia a bhí inti i ndiaidh gur toghadh Ronald Reagan mar ghobharnóir an stáit úd. Céad-Bhean na Stát Aontaithe a bhí inti sna blianta 1981–1989. Ina dhiaidh sin, chuir siad fúthu in Bel Air, in Los Angeles, California. Chaith Nancy na blianta a tabhairt aire do Ronald, a raibh an galar Alzheimer ag teacht air, go dtí a bhás sa bhliain 2004. Bhí Nancy gníomhúil i gcúrsaí polaitíochta, go mór mhór ag cothú tacaíochta do thaighde ar ghaschealla suthacha.

Bhí beirt chlainne orthu: Ron Reagan agus Patti Davis.