Louis Antoine Léon de Saint-Just

Louis Antoine Léon de Saint-Just

Ainm sa teanga dhúchais	(fr) Louis Antoine Saint-Just
Beathaisnéis
Breith	25 Lúnasa 1767 Decize, An Fhrainc
Bás	28 Iúil 1794 26 bliana d'aois Páras, An Fhrainc
Siocair bháis	Dícheannadh
Áit adhlactha	Errancis Cemetery (en)
38 Uachtarán na Comhdhála Náisiúnta
19 Feabhra 1794 – 6 Márta 1794 ← Joseph-Nicolas Barbeau du Barran (en) – Philippe Rühl (en)  →
Ball den Chomhdháil Náisiúnta
20 Meán Fómhair 1792 – 27 Iúil 1794
Committee of Public Safety (en)
Faisnéis phearsanta
Scoil a d'fhreastail sé/sí	Ollscoil Reims
Gníomhaíocht
Suíomh oibre	Páras
Gairm	polaiteoir, réabhlóidí, scríbhneoir, file
Ball de pháirtí polaitíochta	Club na Seacóibíneach
Teangacha	An Fhraincis
Ghlac sé/sí páirt i
5 Bealtaine 1789	Réabhlóid na Fraince

Ceannaire de chuid Réabhlóid na Fraince ab ea Louis Antoine de Saint-Just (a rugadh i nDecize, Nièvre, ar 25 Lúnasa 1767 agus a fuair bás faoin ngilitín i bPáras ar 28 Iúil 1794). Tugadh “Ardaingeal na Sceimhle” air. Ba chara le Robespierre é agus básaíodh iad i dteannta a chéile.

Louis-Antoine-de-Saint-Just.jpg

Saol

Garmhac le nótaire, chláraigh sé mar mhac léinn dlí in Ollscoil Reims, ach d'éirigh sé as tar éis bliana.

I ndiaidh Réabhlóid 1789 tháinig sé chun cinn mar cheannaire réabhlóideach ina shráidbhaile Blérancourt (atá i département Aisne faoi láthair). Ba ghearr gur tharraing sé aird Maximilien Robespierre, a bhí ina dhlúthchara aige ina dhiaidh sin.

Ball den Choinbhinsiúin

Sa bhliain 1792 a toghadh chun an Choinbhinsiúin Náisiúnta nua é, agus é an ball ab óige inti. Labhair sé ar dtús chun Louis XVI (an « fealltóir » « Louis Capet ») a cháineadh go fíochmhar agus chun éileamh a dhéanamh go ndéanfaí é a chur chun báis. Thacaigh an óráid sin leis na Seacaibínigh glacadh leis sin mar a mbeartas féin agus dá réir sin dícheannadh Louis ar an ngilitín in Eanáir 1793.

Bhí Saint-Just ar thús cadhnaíochta lucht dréachtaithe Bhunreacht 1793, a bhí daonlathach ó bhonn agus ar glacadh leis go hoifigiúil ar 24 Meitheamh 1793. Mar sin féin, níor tháinig an Bunreacht sin i bhfeidhm riamh, ó ba rud é go raibh an Phoblacht ag troid chun maireachtáil agus ag cur in aghaidh ionradh ar chríoch na Fraince ag comhrialtas na gcumhachtaí frith-réabhlóideacha.

Ó Iúil 1793 go dtí Iúil 1794 bhí Saint-Just ina bhall de Choiste na Slándála Poiblí, ar ligeadh an Coinbhinsiún Náisiúnta dó cumhachtaí deachtóra a fheidhmiú chun an Réabhlóid a chosaint.

Teach St Just i mBlérancourt; iarsmalann inniu

Dhíbir an Coiste easaontóirí Girondin as an gCoinbhinsiún Náisiúnta i bpróiseas fada a tharla idir Meitheamh agus Deireadh Fómhair 1793. Uime sin, glacadh le Dlí na nAmhrastach i mí Mheán Fómhair, de bharr Saint-Just a bheith ag gríosadh go nglacfaí leis. Faoin dlí sin gabhadh na céadta mílte, meastar, agus fuair na mílte bás.

Uachtarán ar an gCoinbhinsiún Náisiúnta

Toghadh Saint-Just ina Uachtarán ar an gCoinbhinsiún Náisiúnta ar a 19 Feabhra 1794 agus bhí páirt mhór aige Ré an Uafáis, in aghaidh naimhde líomhnaithe na Poblachta. Mar shampla

• ruaigeadh na «  hébertistes » (ar an eite chlé) i Márta 1794.
• ruaigeadh Danton agus a lucht leanúna in Aibreán 1794.

Le Dlí 22 Prairial (10 Meitheamh 1794) géaraíodh Ré an Uafáis arís, trí choincheap « namhaid an phobail » a thabhairt isteach,

• deireadh a chur le ceart an chúisí chun dlíodóirí nó finnéithe cosanta,
• srianadh a chur ar an bhfíorasc (bás nó éigiontú) agus
• gach díolúine ó ionchúiseamh a bhaint de bhaill an Choinbhinsiúin.

Bású

Saint-Just leis an bpéintéir David

Mhéadaigh luas na gcúiseamh agus na mbásuithe go mór sna seachtainí ina dhiaidh sin. Dá bharr sin d'éirigh tromlach an Choinbhinsiúin Náisiúnta amach i gcoinne Robespierre agus a chomhghleacaithe (27-28 Iúil 1794) a cuireadh chun báis iad féin, ina measc Saint-Just, a bhí dílis go díograiseach dó deireadh mar chara agus mar chomhghleacaí.

Cúis amháin ar cheap an dream a bhí ag cur in éadan Robespierre agus Saint-Just go raibh siad in ann iad a shárú in Iúil 1794 ná go raibh cúrsa an chogaidh i bhfabhar go mór le Poblacht le linn na bliana go dtí sin, go pointe áirithe mar gheall ar ghníomhaíochtaí Saint-Just mar choimisinéir míleata, tráth ar bhain sé úsáid as pionós an bháis i gcoinne ceannasaithe mainneachtnacha, go dian ach ar bhonn roghnaitheach.

Féach freisin

• Réabhlóid na Fraince (1789)