Harry Schwarz
  | |
| Beathaisnéis | |
|---|---|
| Breith | 13 Bealtaine 1924 Köln, An Ghearmáin |
| Bás | 5 Feabhra 2010 85 bliana d'aois Johannesburg, An Afraic Theas |
| Ambasadóir na hAfraice Theas chun na Stát Aontaithe | |
| 6 Márta 1991 – 12 Eanáir 1995 ← Piet Koornhof | |
| Faisnéis phearsanta | |
| Scoil a d'fhreastail sé/sí | Ollscoil Witwatersrand |
| Gníomhaíocht | |
| Gairm | polaiteoir, dlíodóir, gníomhaí ar son chearta an duine, taidhleoir, breitheamh |
| Ball de pháirtí polaitíochta | An Páirtí Aontaithe (1948–1975) Páirtí Forásach Feidearálach Progressive Reform Party (en)  Reform Party (en) An Páirtí Daonlathach |
| Teangacha | An Ghearmáinis agus Béarla |
Státaire agus baincéir san Afraic Theas ab ea Harry Schwartz (13 Bealtaine 1924 – 5 Feabhra 2010), agus duine ar bhí ar thús cadhnaíochta na ndlíodóirí san Afraic Theas ina ré.[1]
Saol
[cuir in eagar | athraigh foinse]Theith Schwarz an Ghearmáin in éineacht lena theaghlach díreach i ndiaidh theacht i gcumhacht na Naitsithe agus thairg an Afraic Theas tearmann dóibh sa bhliain 1934 (in aois 10 bliain do Schwarz).
Tar éis dó a bheith in Aerfhórsa na hAfraice Theas i rith an Dara Cogadh Domhanda, d'fhreastail sé ar Ollscoil an Witwatersrand. Bronnadh BA (le gradam sa stair agus sa stair eacnamaíochta) agus LLB air.[2]
In Ollscoil Witwatersrand,[3] bhuail sé ar Nelson Mandela agus Joe Slovo agus d'éirigh sé mór leo. Rinneadh abhcóide ag Barra na hAfraice Theas de sa bhliain 1953 agus bhí sé i measc na ndlíodóirí cosanta i Triail Rivonia (1963-64). D'fhág Schwarz an Barra ag an bpointe sin chun chun iompú ina aturnae, ionas go mbeadh sé ina ann níos mó a dhéanamh sa troid i gcoinne na cinedheighilte.[2]
Seachas an t-am a chaith Schwarz mar phríomhfheidhmeannach ar Merchant Bank (1969-74) agus mar Ambasadóir na hAfraice Theas chuig Stáit Aontaithe Mheiriceá (1991-95), lean sé ar aghaidh ag dlíodóireacht go dtí go bhfuair sé bás.
Chuaigh Schwarz isteach sa Pháirtí Aontaithe nuair a bhí ina mhic léinn i Wits agus d'fhan sé ann ar feadh roinnt mhaith blianta. Bhí Schwartz ina bhall de Chomhairle Cúige Transvaal (1958-74) agus den Tionól Reachtach (1974-91).
Bhí Schwarz ina cheannaire d'eite fhorásach an Pháirtí Aontaithe; scar sé leis an bpáirtí sin sa bhliain 1975 agus bhí róil lárnacha aige sa Pháirtí Feidearálach Forásach agus, ina dhiaidh sin, sa Pháirtí Daonlathach le linn an chuid eile dá shaol sa pholaitíocht.[2]
Sna 1970idí agus 1980idí, chuidigh Schwarz go mór le fís a leagan amach faoin gcaoi a d'fhéadfadh an Afraic Theas a bheith daonlathach agus neamh-idirdhealaitheach san am a bhí le teacht, go háirithe maidir leis an bhfeidhm a bheadh ag Bille na gCeart.
Léiríodh cé chomh tiomanta réimeas De Klerk do bunathrú polaitiúil nuair a ceapadh Schwartz mar Ambasadóir na hAfraice Theas in Washington sa bhliain 1991.
Bhí Schwarz chun tosaigh sa i bpobal Giúdach na hAfraice Theas ar feadh a ghairmréime agus cháin sé an frith-Sheimíteachas go géar agus bhí sé go mór i bhfabhar dea-chaidreamh le Stát Iosrael riamh.[2]
Fuair sé bás nuair a bhí sé cúig bliana is ochtó d'aois, ar 5 Feabhra 2010.
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ "Harry Heinz Schwarz | South African History Online". www.sahistory.org.za. Dáta rochtana: 2022-02-06.
- ↑ 2.0 2.1 2.2 2.3 coil Dlí, COBÁC (2020). "Harry Schwarz". Dáta rochtana: 2022.
- ↑ "Home - Wits University". www.wits.ac.za. Dáta rochtana: 2022-02-06.