Hans Geiger

Ón Vicipéid, an chiclipéid shaor.
Hans Geiger

Fisiceoir Gearmánach ab ea Johannes (Hans) Wilhelm Geiger (30 Meán Fómhair 188224 Meán Fómhair 1945). Tá clú agus cáil air de bharr a chuid oibre le háiritheoir Geiger agus an turgnamh Geiger-Marsden a d'aimsigh núicléas an adaimh den chéad uair.

Saol[athraigh | athraigh vicithéacs]

Rugadh Geiger i Neustadt-an-der-Haardt, sa Ghearmáin. Ba shaineolaí ar chultúr na hIndia é a athair ag Ollscoil Erlangen.

Sa bhliain 1902 thosaigh Geiger óg déanamh staidéir ar an bhfisic agus ar an matamaitic ag Ollscoil Erlangen. Bronnadh dochtúireacht air ón ollscoil chéanna sa bhliain 1906 (24 bliain d'aois).

Sa bhliain 1907 thosaigh sé ag obair le Ernest Rutherford ag Ollscoil Manchain i Sasana ar radaighníomhaíocht, agus go príomha, astú béite ghathanna / béite-cháithníní.

Geiger-Marsden

Fionnachtana[athraigh | athraigh vicithéacs]

Sa bhliain 1909, Dhear sé ionstraim áirimh lena chomhghleacaí Walther Muller chun an ghathaíocht seo a thomhas. Le chéile rinne siad an chéad áiritheoir Geiger. Rinne Geiger agus Ernest Marsden an turgnamh cáiliúil úd ar a dtugtar Turgnamh Geiger-Marsden, nó "an turgnamh scragall óir"[1]. Feadán miotail atá ann, dhá leictreoid ann is gás eatarthu, agus fuinneog ag ceann amháin de. Nuair a thagann béite-cháithnín isteach an fhuinneog, ianaíonn an gás, agus ritheann na luchtanna iarmharacha do na leictreoidí. Gineann sé seo bíog voltais idir na leictreoidí, agus déanann an t-áiritheoir na bíoga a chomhaireamh. Tugtar áiritheoir Geiger-Muller ar an ionstraim seo.

Geiger-Muller

Sa bhliain 1911 d'aimsigh Geiger, i dteannta John Mitchell Nuttall, an Dlí (nó Riail) Geiger-Nuttall agus rinne siad turgnaimh a cabhraigh le Rutherford a samhail adamhach a cruthú.

Sa bhliain 1928, lena dalta, d'fheabhsaigh siad an t-áiritheoir Geiger. D'oibrigh sé freisin le James Chadwick.

Bás agus oidhreacht[athraigh | athraigh vicithéacs]

an t-áiritheoir Geiger, 1932

Fuair Geiger bás in Potsdam, sa Ghearmáin, cúpla mí i ndiaidh deireadh an Dara Cogadh Domhanda.

Naisc sheachtracha[athraigh | athraigh vicithéacs]

Beathaisnéis ghearr

Tagairtí[athraigh | athraigh vicithéacs]

  1. Hussey, Matt - Fréamh an Eolais (Coiscéim 2011)