Héaradatas

Ón Vicipéid, an chiclipéid shaor.
Infotaula de personaHéaradatas

Cuir in eagar ar Wikidata
Ainm sa teanga dhúchais(grc) Ἡρόδοτος Ἁλικαρνᾱσσεύς
Beathaisnéis
Breithc. 484 "RCh"
Hailicearnasas Cuir in eagar ar Wikidata
Básc. 425 "RCh"
58/59 bliana d'aois
Thurii Cuir in eagar ar Wikidata
Áit chónaitheHailicearnasas
Samas
Thurii
Gníomhaíocht
Gairmstaraí, scríbhneoir, polaiteoir, tíreolaí Cuir in eagar ar Wikidata
TeangachaAn tSean-Ghréigis
Saothar
Saothar suntasach

Musicbrainz: 07b1876f-1afc-43c8-8d28-1d3498ef0654 Cuir in eagar ar Wikidata

Staraí Sean-Ghréagach ab ea Héaradatas (Gréigis: Ἡρόδοτος Ἁλικαρνᾱσσεύς Hērodotos Halikarnāsseus) (c. 484 - 425 RC). Thug Cicearó athair na staraíochta air. Tháinig sé chun saoil i Halacarnasas (inniu, Bodrum sa Tuirc). Chaith sé seal ina chónaí ar oileán Samos. Thaistil sé timpeall na Meánmhara chuig an Éigipt, an Áise Bheag, an Bhablóin agus an Ghréig, agus é ag bualadh le daoine ó chultúir éagsúla. Chuaigh sé go dtí an Aithin in aois a sheacht mbliana déag is fiche, agus é ag tarraingt go maith le Peiricléas agus dlúthchara leis, Sophocles. I ndeireadh na dála chuir sé faoi i Thourioi, deisceart na hIodáile, áit a bhfuair sé bás. Bhí suim aige sna cogaí idir na Gréagaigh is na barbaroi, is é sin, na neamh-Ghréagaigh. Bhí an-suim aige sna trioblóidí a bhíodh ann san am idir an t-oirthear (na Peirsigh) agus an t-iarthar (na Gréagaigh), ag iarraidh míniú a thabhairt ar bhua na nGréagach i gCath Mharatóin sa bhliain 490 RC. Ba thaighdeoir é a scríobh tuarascálacha de réir na breathnóireachta a rinne sé féin, chomh maith le hagallaimh a chuir sé ar dhaoine, le scéalta agus le cuntais a tháinig ó pheann scríbhneoirí eile. Chaith sé na blianta ag cur le chéile cuntas cuimsitheach ar ar tugadh an t-ainm Historiai (= ‘Fiosrúcháin’).

Ó bhí sé ar na chéad daoine a rinne iarracht cuntas eolaíoch a thabhairt ar na laethanta a bhí, go bhfios dúinn, is é an leasainm atá air inniu ná "athair na staraíochta". Cé go bhfuil amhras ann faoi chruinneas a chuid foinsí, tá cáil air mar cheannródaí ag baint feidhme as modhanna na heolaíochta le taifead beacht barainneach a choinneáil ar chúrsaí is ar imeachtaí na staire.