Fuil

Ón Vicipéid, an chiclipéid shaor.
Jump to navigation Jump to search
Fuil

Leacht speisialtaithe de chuid na colainne is ea an fhuil. Soláthraíonn sí ábhar riachtanach – ocsaigin (O2) agus cothaithigh – do chealla na colainne, agus iompraíonn sí fuíolltáirgí meitibileacha ó na cealla seo go dtí na baill eisfheartha: na duáin, an t-ae, na scamhóga agus an stéig. Lánaíonn sí roinnt fheidhmeanna eile chomh maith: iompraíonn sí na hormóin timpeall na colainne, agus tá páirt láidir aici i gcosaint na colainne ó ionfhabhtú.

Comhdhéanamh na fola idir plasma, cealla fola dearga agus cealla fola bána agus plátíní

Tá trí chomhpháirt san fhuil: na fuilchealla dearga, a iompraíonn ocsaigin; na fuilchealla bána, a chosnaíonn an cholann ó ionfhabhtú, in éindí leis na pláitíní, a chneasaíonn gránuithe agus créachtaí; agus an plasma, leacht a n-iompraíonn sé na cealla fola agus ina dtuaslagaíonn na substainte iompartha eile.

Sna daoine fásta, is sa smior a chruthaítear na fuilchealla nua, i bpróiseas ar a dtugtar fuilghiniúint.

Úsáidtear an focal céanna fuil i nGaeilge na hAlban.

Sna Logainmneacha[cuir in eagar | athraigh foinse]