Fredrik Pacius

Fredrik Pacius
	;
Beathaisnéis
Breith	19 Márta 1809; Hamburg
Bás	8 Eanáir 1891 ; 81 bliana d'aois; Heilsincí
Áit adhlactha	Hietaniemi cemetery (en)
Ollamh
Faisnéis phearsanta
Scoil a d'fhreastail sé/sí	Gelehrtenschule des Johanneums
Gníomhaíocht
Gairm	cumadóir, múinteoir ceoil, stiúrthóir ceolfhoirne, múinteoir ollscoile
Fostóir	Ollscoil Heilsincí
Seánra	Ceoldráma
Mac/iníon léinn de chuid	Louis Spohr agus Moritz Hauptmann
Mac/iníon léinn	Johan Lindberg
Teangacha	An Fhionlainnis
Uirlis	Veidhlín
Saothar
	Saothar suntasach Mu isamaa, mu õnn ja rõõm; (1848) Maamme; (1852) Kung Karls jakt (en) ; (1856) Suomen laulu (en) ;
Teaghlach
Páiste	Maria Collan
	Gradam a fuarthas (1882) Commander of the Order of Isabella the Catholic (en) ; (1857) Knight of the Order of Vasa (en) ; (1856) Order of Saint Stanislaus, 3rd class (en) ;

Ceoltóir ab ea Fredrik Pacius (nó Friedrich Pazius, as Gearmáinis) a chuir bun le traidisiún an cheoil Chlasaicigh san Fhionlainn. Tugtar "athair an cheoil Fhionlannaigh" air. Gearmánach ab ea é, nó rugadh in Hamburg é sa bhliain 1809. Fuair sé bás san Fhionlainn sa bhliain 1891.

Tháinig Pacius go dtí an Fhionlainn sa bhliain 1834 le ceoltóireacht a theagasc san ollscoil i Heilsincí. Rinne sé an-obair le saol ceoltóireachta na Fionlainne a eagrú, nó bhunaigh sé cór do na mic léinn, chomh maith le cumann ceoltóireachta agus ceolchoirm. Sa bhliain 1848, chuir sé ceol le Vårt Land ("Ár dTír"), dán cáiliúil le Johan Ludvig Runeberg, file náisiúnta na Fionlainne, agus thug na Fionlannaigh a leithéid de thaitneamh don amhrán seo is gurb é amhrán náisiúnta na tíre é inniu féin. Ar ndóigh, is as Fionlainnis is minicí a chantar é inniu, faoin teideal Maamme. Tá an fonn céanna ag dul le Mu isamaa, mu õnn ja rõõm, amhrán náisiúnta na hEastóine.

Sa bhliain 1852 a chum Pacius an dara saothar is cáiliúla aige, mar atá, an chéad cheoldráma Fionlannach riamh. Kung Karls jakt atá air as Sualainnis, agus Kaarle-kuninkaan metsästys as Fionlainnis - ciallaíonn an dá ainm sin An Rí Séarlas ag Sealgaireacht. Ba é Zacharias Topelius, duine de scríbhneoirí bisiúla na linne san Fhionlainn, a scríobh téacs don cheoldráma: cur síos atá ann, go bunúsach, ar thuras sealgaireachta Rí na Sualainne go dtí an Fhionlainn. Ós rud é gur cuid den Rúis Impiriúil ab ea an Fhionlainn ag an am, bhí a phriacal féin ag baint leis an ábhar. Mar sin féin, ó tharla gur chuir an ceoldráma béim ar dhílseacht an náisiúin don rí, níor bhac na cinsirí lena stopadh.

Tagairtí