Finnegans Wake

Finnegans Wake

Cineál	saothar liteartha
Cárta innéacs
Údar	James Joyce
Teanga	an Béarla
Foilseachán	Éire, 1939
Dáta a bunaíodh	1923
Foilsitheoir	Faber & Faber (en)
Sonraí an tsaothair
Seánra	sui generis (en) , litríocht thurgnamhach agus Menippean satire (en)
Carachtair	Fionn mac Cumhaill Éabha Ádhamh Tristan (en) Iseult (en) Íosa Críost Arthur Wellesley, 1ú Diúc Wellington Naomh Pádraig Charles Stewart Parnell Jonathan Swift Iacób Éasáú Íosác Naoi
Suíomh scéalaíochta	Éire
Sraith
← Ulysses

Pictiúr de James Joyce le bileog shúile a tharraing Djuna Barnes sa bhliain 1922, an bhliain inar thosaigh Joyce ag scríobh Finnegans Wake, úrscéal nár chríochnaigh sé go dtí thart faoi 1939.

Is úrscéal grinn turgnamhach le James Joyce é Finnegans Wake (gan uaschamóg), (Gaeilge: Faire Ó Fionnagáin nó Faire na bhFionnagán ). Tá clú agus rath air mar gheall ar an gcur chuige turgnamhach inar scríobhadh é, agus ar an gcáil atá air mar cheann de na leabhair is deacra dár scríobhadh i mBéarla riamh. Scríobhadh i bPáras na Fraince é idir 1922 agus 1939, agus foilsíodh é sa bhliain 1939, dhá bhliain roimh bhás an údair. Ba é Finnegans Wake an leabhar deireanach de chuid James Joyce. Scríobhadh an leabhar ar fad i dteanga shaintréitheach, nó idioglossia le hé a chur i bhfocail eile, a bhí ina mheascán de ghnáthfhocail ón mBéarla, d'imeartas focal ilteangach agus d'fhocail portmanteau. Creidtear gur iarracht é seo ar athchruthú a dhéanamh ar an gcaoi ina mbíonn duine ag smaoineamh agus é ina chodladh, agus ar thaibhrimh.