Contae Bucks, Pennsylvania

Ón Vicipéid, an chiclipéid shaor.
Jump to navigation Jump to search

Is contae in oirdheisceart Pennsylvania é Bucks. Sa bhliain 2010 bhí cónaí ar 625,249 duine i gcontae Bucks, suas ó 597,635 duine sa bhliain 2000. Is í contae Bucks an contae leis an ceathrú daonra is airde i bPennsylvania. Is é Doylestown príomhbaile an chontae, agus is é Bensalem an baile leis an daonra is mó sa gcontae. Tá an contae 1,610 km2 san iomlán.

B'as Contae Bucks do Margaret Mead, antraipeolaí, agus James A. Michener, scríbhneoir. Chuir beirt scríbhneoirí aithnidiúla eile fúthu ann, mar atá, Dorothy Parker agus S. J. Perelman.

Teangacha[athraigh | athraigh vicithéacs]

De réir daonáireamh S.A.M. 2000 is í Béarla an teanga is comónta i gcontae Bucks agus í an phríomhtheanga do 510,815 (91.51%) duine sa contae. Bhí Spáinnis an dara teanga is comónta sa chontae agus í an phríomhtheanga do 12,860 (2.3%) duine, bhí Rúisis an tríú teanga is comónta agus í an phríomhtheanga do 5,980 (1.07%) duine sa chontae. Sa bhliain chéanna bhí Gaelainn an phríomhtheanga do 120 (0.02%) duine i gcontae Bucks.

Rinne William Levitt an dara Levittown sna Stáit Aontaithe a thógáil i gContae Bucks sna 1950idí, rud a chuir go mór le daonra an chontae.