Contae Allegheny, Pennsylvania

Ón Vicipéid, an chiclipéid shaor.
Jump to navigation Jump to search
Loc, damba agus droichid ar Abhainn an Allegheny ag Aspinwall

Is contae in iarthar Pennsylvania é Allegheny. Is é Pittsburgh príomhbhaile an chontae. Sa bhliain 2010, bhí cónaí ar 1,223,348 duine i gcontae Allegheny, síos ó 1,281,666 duine i 2006. Is é an contae leis an dara daonra is airde i Pennsylvania é. Tá an contae 1,930 km2 ar achar. Tá an contae ainmnithe as an abhainn Allegheny; bhí Allegheny an chéad chontae i bPennsylvania chun ainm bundúchasach a fháil.

Teangacha[cuir in eagar | athraigh foinse]

De réir daonáireamh SAM 2000 is é Béarla an teanga is comónta i gcontae Allegheny agus í an phríomhtheanga do 1,131,110 (93.52%) duine sa chontae. Bhí Spáinnis an dara teanga is comónta sa chontae agus í an phríomhtheanga do 15,710 (1.30%) duine, bhí Iodáilis an tríú teanga is comónta agus í an phríomhtheanga do 10,495 (0.87%) duine sa chontae. Sa bhliain chéanna bhí Gaelainn an phríomhtheanga do 234 (0.02%) duine i gcontae Allegheny.