Doylestown, Pennsylvania

Ón Vicipéid, an chiclipéid shaor.
Jump to navigation Jump to search
Tógadh Fountain House, teach ósta, i nDoylestown sa bhliain 1758
Músaem Mercer
Pictiúrlann i stíl Art Deco sa cheantar stairiúil

Baile in oirthear Phennsylvania, sna Stáit Aontaithe, is ea Doylestown. Príomhbhaile Chontae Bucks atá ann. Bhí cónaí ar 8,380 duine in Doylestown ag am dhaonáireamh na bliana 2010.

Téann fréamhacha Doylestown siar go dtí an bhliain 1745 nuair a fuair Doyle ceadúnas teach tábhairne a oscailt ag crosbhóthar tábhachtach ann. Spreag an suíomh sin fás an bhaile agus rinneadh buirg de sa bhliain 1838. Ní raibh mórán tionsclaíochta ariamh ann, ach mar gheall ar a stádas mar phríomhbhaile riaracháin an chontae, chuir a lán daoine proifisiúnta fúthu ann, agus le himeacht ama rinne roinnt ealaíontóirí agus scríbhneoirí amhlaidh freisin. Orthu sin bhí Harry Chapman Mercer (1856–1930), ceardaí agus seandálaí. D’fhás Margaret Mead (1901–1978), antraipeolaí, agus James A. Michener (1907–1997), údar bisiúil, aníos i Doylestown.

Tá baint ag roinnt áiteanna stairiúla ar an mbaile le Mercer, mar atá Músaem Mercer, Fonthill (teach Harry Mercer), agus an Moravian Pottery and Tile Works (músaem agus ceardlann a bhunaigh sé). Tá Scrín Náisiúnta Mhuire Czestochowa, baisleach mhór Pholannach, lámh le Doylestown.

Naisc sheachtracha[cuir in eagar | athraigh foinse]