James A. Michener

Ón Vicipéid, an chiclipéid shaor.
Jump to navigation Jump to search
James A. Michener in Haváí ar an 7ú lá de mhí na Nollag 1991 ag searmanas cuimhneacháin ar ionsaí na Seapáine ar Chuan an Phéarla

Úrscéalaí Meiriceánach ab ea James Albert Michener (3 Feabhra 190716 Deireadh Fómhair 1997). Rugadh é i gCathair Nua-Eabhrac agus tógadh é i Doylestown, in oirthuaisceart Pennsylvania. Fuair sé bás in Austin, Texas. Scríobh sé breis is 40 leabhar, ficsean sa chuid ba mhó. Bhídís go minic le feiceáil ar liostaí na leabhar móréilimh. Meastar gur ceannaíodh 75 milliún cóip dá chuid leabhar.

Ságaí teaghlaigh a bhí i gcuid mhaith de na leabhair, agus na scéalta suite in áiteanna éagsúla ar fud an domhain: dhéanadh sé cur síos cruinn ar stair na n-áiteanna. Tales of the South Pacific an chéad leabhar leis a fuair fáilte ó léitheoirí—bronnadh an Pulitzer Prize for Fiction air sa bhliain 1948. Rinneadh scannáin, drámaí agus mionsraitheanna teilifíse as roinnt dá leabhar.

Daonchara a bhí ann. Thug sé timpeall is $100 milliún dollar do charthanais agus d'eagraíochtaí liteartha agus oideachasúla. Thug sé $37 milliún d'Ollscoil Texas.