Alan Titley

Ón Vicipéid, an chiclipéid shaor.
Jump to navigation Jump to search
Alan Titley
Alan Titley.JPG
Dáta breithe 28 Meitheamh, 1947[1]
  Corcaigh, Éire
Náisiúntacht Éireannach
Gairm Léachtóir, staraí, scríbhneoir, agus craoltóir chomh maith. Colúnaí uaireanta....
Duaiseanna Duaiseanna an Oireachtais, Duais Pater an Australian Academy for the Broadcasting Arts and Sciences, Duais an Bhuitléirigh de chuid an Irish-American Cultural Institute, Duais Éilís Dillon, Duais Stewart Parker an BBC chomh maith le duaiseanna i gcomórtais liteartha an Francis McManus Short Story Competition, Sheachtain Scríbhneoirí Lios Tuathail, agus i gcomortais chraolacháin IFTA agus na Féile Scannánaíochta PanCheiltí.

Scoláire, staraí, scríbhneoir agus craoltóir is ea Alan Titley (An Titlíoch scaití) a rugadh sa bhliain 1947.

Saol[athraigh | athraigh vicithéacs]

Rugadh Alan Titley i gCorcaigh sa bhliain 1947 agus is ann a cuireadh scolaíocht air.[2]

Chuaigh Titley le múinteoireacht agus d'fhreastail sé ar Choláiste Phádraig, Droim Conrach, áit ar bhuaigh sé an bonn óir sa teagasc.[3] Chaith sé tamall ag múineadh agus ag taisteal san Afraic agus é ina mhúinteoir i gcoláiste Oiliúna Mount Carmel sa Nigéir idir na blianta 1967 agus 1969. Bhí sé ag múineadh páistí bodhra i Scoil na mBuachaillí Bodhra sa Chabrach i mBaile Átha Cliath (ó 1969 go 1974).

Sa bhliain 1981 ceapadh é mar Cheann Roinn na Gaeilge i gColáiste Phádraig (Ollscoil na hÉireann, Ollscoil Chathair Bhaile Átha Cliath). Sa bhliain 2006 ceapadh Titley ina Ollamh le Nua‑Ghaeilge i gColáiste na hOllscoile, Corcaigh.[4]

Tá an Titlíoch ina chónaí i nGlas Naíon, taobh thuaidh de Bhaile Átha Cliath. Tá cúigear clainne aige lena bhean Mary - Gavan, Keelan, Aoife, Bróna agus Fergal[5].

Saothar[athraigh | athraigh vicithéacs]

Is iriseoir, criticeoir, úrscéalaí, gearrscéalaí, agus drámadóir é Titley, agus is iomaí duais scríbhneoireachta atá buaite aige.

Méirscrí na Treibhe (1978) suite in Iarthar Afraice agus cuntas ann ar an achrann a lean an neamhspleáchas. Ansin tháinig Stiall Fhial Feola (1980), úrscéal, agus Eiriceachtaí agus Scéalta Eile (1987) óna lámh. Is minic an greann searbh agus an scigaithris le haithint ar a shaothar. Úrscéal stairiúil is ea An Fear Dána (1993) agus é bunaithe ar shaol Mhuireadhaigh Albanaigh Uí Dhálaigh, file. Tá lé aige le ficsean gearr greannmhar, rud a chuir sé in iúl le Fabhalscéalta (1995) agus Leabhar Nóra Ní Anluain (1998). Léiríodh drámaí stáitse agus raidió dá chuid: bhí Tagann Godot (1991) le feiceáil in Amharclann na Mainistreach. Foilsíodh Gluaiseacht, úrscéal faoin imirce, sa bhliain 2009.[6]

Tá criticeoireacht liteartha agus shóisialta Titley le fáil ar An tÚrscéal Gaeilge (1991) agus ar Chun Doirne (1997), bailiúchán aistí.

Tá colún Gaeilge aige ar an Irish Times darb ainm Crobhingne.

Seo rogha dá shaothar[7]

Gaeilge[athraigh | athraigh vicithéacs]

  • An Bhean Feasa, 2014
  • An Chuallacht Léannta: ceiliúradh ar Íosánaigh agus Léann na Gaeilge, 2013
  • Rabhadh Dánta, 2013
  • Smuf, 2012
  • Na Drámaí Garbha, 2011
  • Scríbhneoirí faoi chaibidil, 2010
  • Gluaiseacht, 2009
  • An réabhlóid mar ghníomh dínite, 2007
  • Tyda, 2006
  • Beir leat do shár-Ghaeilg Súil siar agus ar aghaidh, 2004
  • Amach, 2003
  • Leabhar Nóra Ní Anluain: céad scéal ó cheartlár na cruinne, 1998
  • Chun doirne: rogha aistí, 1996
  • Fabhalscéalta, 1995
  • An cogadh in aghaidh na critice, 1994
  • An fear dána, 1993
  • An t-úrscéal Gaeilge, 1991
  • Tagann Godot, 1991
  • Eiriceachtaí agus Scéalta Eile, 1987
  • Stiall fhial feola, 1980
  • Méirscrí na treibhe, 1978
  • Máirtín Ó Cadhain: clár saothair, 1975

Béarla[athraigh | athraigh vicithéacs]

  • The Dirty Dust. Cré na Cille, 2015
  • The History of the Irish Book, vol. II, 2013
  • Nailing Theses:selected essays, 2011
  • A pocket history of Gaelic culture, 2000

Cláir faisnéise[athraigh | athraigh vicithéacs]

  • Scéal na Gaeilge, TG4 2012[8]

Tagairtí[athraigh | athraigh vicithéacs]

Naisc sheachtracha[athraigh | athraigh vicithéacs]