Marie Curie

Ón Vicipéid, an chiclipéid shaor.
Marie Curie
Mariecurie.jpg
Dáta breithe 7 Samhain, 1867
  Vársá , An Pholainn
Dáta báis 4 Iúil, 1934
  Passy, An Fhrainc
Náisiúntacht Polannach
Réimsí Fisic

Ceimicí is fisicí a saolaíodh i Vársá na Polainne ab ea Marie Skłodowska Curie (7 Samhain 1867-4 Iúil 1934). Phós sí an t-eolaí Francach Pierre Curie (1859-1906) i 1895 Rinne an bheirt taighde ar chriostalghrafaíocht, písileictreachas is radaighníomhaíocht, ar úráiniam a fuarthas in ocsaíd úráiniam ar dtús. D'fhionn siad dhá dhúil nua a bhí radaighníomhach, polóiniam is raidiam, i 1898. Bhuaigh siad beirt Duais Nobel sa bhfisic le Becquerel as an obair ar radaighníomhaíocht i 1903. Bhuaigh Marie féin Duais Nobel sa cheimic i 1911 as a héacht in ullmhú an raidiam mhiotalaigh. Fuair sí bás ó leoicéime, agus tá sé beagnach cinnte gur toradh ar a nochtadh fada don radaíocht inianaíoch ó na dúile radaighníomhacha seo a bhí ann.