Amnesty International

Amnesty International

Mana	Val més encendre una espelma que maleir per sempre la foscor
Sonraí
Cineál	eagraíocht neamhrialtasach eagraíocht neamhbhrabúis corparáid neamhbhrabúis
Réimse oibre	human rights protection (en)
Teanga oifigiúil	Béarla, an Araibis, an Fhraincis agus an Spáinnis
Foirm dlí	eagraíocht neamhrialtasach
Stair
Dáta a bunaíodh	28 Bealtaine 1961, an Ríocht Aontaithe
Bunaitheoir(í)	Peter Benenson
Suíomh a chartlainne	International Institute of Social History (en)
Gníomhaíocht
Limistéar oibriúcháin	domhanda
Ball de	Campaign to Stop Killer Robots (en)
Ballraíocht	7,000,000 (2023)
Rialachas corparáideach
Ceanncheathrú	Londain, England
Ardrúnaí	Agnès Callamard (en) (2021–)
Fochomhlacht	Amnesty International Ireland (en) Amnesty International France (en) Amnesty International Brazil (en)
Táscaire eacnamaíoch
Ioncam iomlán	309 M€ (2018)
Eile
Gradam a fuarthas (2003)  Barcelona Medal of Honor (en) (1993)  Free Your Mind (en) (1991)  Duais Olof Palme (1988)  Hans Böckler Preis (en) (1987)  Geuzenpenning (1984)  Gradam George Polk (1983)  European Human Rights Prize (en) (1978)  United Nations Prize in the Field of Human Rights (en) (1977)  Duais Nobel na Síochána (1976)  Duais Erasmus  Honorary Member of the Order of Liberty (en)  Gradam na Ceithre Shaoirse — Saoirse Cainte
Suíomh gréasáin	https://www.amnesty.org http://amnestyl337aduwuvpf57irfl54ggtnuera45ygcxzuftwxjvvmpuzqd.onion/

Is gluaiseacht domhanda é Amnesty International a théann i mbun feachtais ionas nach mbeidh a chearta daonna sáraithe ag aon duine agus chun na cearta daonna bunúsacha deimhnithe sa Dhearbhú Uile-Choiteann Cearta an Duine á gcosaint. Saothraíonn an ghluaiseacht neamhspleách ó idé-eolaíocht pholaitiúil ar bith, ó leas eacnamaíoch agus ó reiligiún ar bith. Bunaíodh Amnesty International sa bhliain 1961 i Sasana. Kumi Naidoo, ón Afraic Theas, atá i gceannas ar AI faoi láthair. Tá breis is 7,000,000 ball ag Amnesty International ar fud an domhain.

Stair

Deirtear de ghnáth gur tháinig Amnesty International as litir, "The Forgotten Prisoners" ó Peter Benenson, dlíodóir Sasananach, a foilsíodh ar an 28 Bealtaine 1961 sa nuachtán The Observer (Londain) agus a athfhoilsíodh go forleathan. Bhunaigh sé an eagraíocht ar bhonn foirmiúil cúpla mí ina dhiaidh sin, chun an feachtas "Appeal for Amnesty, 1961" a sheol sé sa litir a chur chun cinn.

Amnesty International, Coraigh, Feabhra 1996 agus Máire Mhic Róibín

Amnesty International Éire

Is é Amnesty International Éire an eagraíocht cearta daonna is mó in Éirinn le beagnach 17,000 ball sa bhliain 2015. Glacann siad páirt i bhfeachtais ar fud an domhain:

• Díshealbhuithe fórsáilte
• Cearta Daonna sa Mheánoirthear agus san Afraic Thuaidh
• Chun deireadh a chur le pionós an bháis
• Chun deireadh a chur le ciorrú ball giniúna ban san Eoraip

Díshealbhuithe fórsáilte

Tá breis is billiún daoine timpeall an domhain ag maireachtáil i slumaí agus i lonnaíochtaí neamhfhoirmiúla. Maireann siad faoi scáth na himní agus na heagla i gcónaí go gcaithfear as baile iad gan choinne, gan chúiteamh. Tá béim curtha faoi láthair ar chás na Romach san Iodáil atá ag fulaingt dian-leithcheal ó na húdaráis.

Cearta daonna sa Mheánoirthear agus san Afraic Thuaidh

Le blianta beaga anuas tá na milliúin daoine tagtha amach ar na sráideanna ag éileamh athruithe sa Mheánoirthear agus san Afraic Thuaidh. Go minic d'fhulaing siad foréigean, príosún nó céasadh nuair a d´éiligh siad a gcearta daonna bunúsacha. Oibríonn Amnesty International le gníomhaithe cearta daonna sa Libia, san Éigipt, sa Túinéis agus in áiteanna eile atá ag athrú go mall, agus chun drochíde a nochtadh ar dhá thaobh na coimhlinte uafásach sa tSiria.

Pionós an bháis

Séard atá i gceist le pionós an bháis ná séanadh cearta daonna atá go hiomlán dochúlaithe. Tá Amnesty International ag obair go dian chun deireadh a chur le pionós an bháis ar fud an domhain.

Ciorrú ball giniúna ban san Eoraip

Tá feachtas de chuid Amnesty International, END FGM, ar siúl ar fud na hEorpa ar feadh roinnt blianta anois. Tá an feachtas ag iarraidh béim a chur ar chiorrú ball giniúna ban ar chlár oibre Aontais na hEorpa agus chun na mná a d'fhulaing é go dtí seo agus atá fós i mbaol a chur chun cinn.

Naisc sheachtracha

• Suíomh oifigiúil Amnesty International. Arna rochtain den uair dheireanach ar 22 Bealtaine 2020