Trenton, New Jersey

Trenton, New Jersey
Trenton (en)
Ainmnithe in ómós	William Trent
Suíomh
40° 13′ 13″ N, 74° 45′ 57″ O
Stát ceannasach	Stáit Aontaithe Mheiriceá
Stát sna Stáit Aontaithe	Nua-Gheirsí
Contae de chuid Nua-Gheirsí	Contae Mercer
Príomhchathair de	Contae Mercer Nua-Gheirsí
Daonra
Iomlán	90,871 (2020)
• Dlús	4,276.45 hab./km²
Líon na dteaghlach	28,581 (2020)
Tíreolaíocht
Suite san aonán críochach staitistiúil	Trenton-Princeton, NJ Metropolitan Statistical Area (en)
Achar dromchla	21.249168 km²
• Uisce	6.2145 %
Suite i nó in aice le limistéar uisce	Abhainn Delaware agus Assunpink Creek (en)
Airde	16 m
Ar theorainn le	Ewing Township (en) Morrisville (en) Falls Township (en) Lawrence Township (en) Hamilton Township (en) Lower Makefield Township (en)
Sonraí stairiúla
Cruthú	1719
Eagraíocht pholaitiúil
• Méara Trenton, Nua-Gheirsí	Reed Gusciora (2018–)
Aitheantóir tuairisciúil
Cód poist	08601, 08602, 08603, 08604, 08605, 08606, 08607, 08608, 08609, 08610, 08611, 08618, 08619, 08620, 08625, 08628, 08629, 08638, 08645, 08646, 08647, 08650, 08666, 08690 agus 08695
Lonnaithe i gcrios ama	an tAmchrios Oirthearach
Glaochód	609
Eile
Suíomh gréasáin	trentonnj.org

Is é Trenton príomhchathair stát New Jersey i Stáit Aontaithe Mheiriceá. Is é Trenton príomhbhaile Chontae Mercer sa stát úd freisin. Tá an chathair suite in iarthar láir New Jersey ar bhruach thoir na habhainn Delaware, go díreach trasna ó stát Pennsylvania. De réir an daonáirimh sa bhliain 2010, bhí 84,913 duine ina gcónaí i dTrenton.

Stair

Lonnaigh baill de Chumann na gCarad sa cheantar sa bhliain 1679, agus faoin bhliain 1719 bhí an t-ainm "Trent-Towne" in úsáid (i ndiaidh William Trent, uinéir mór le rá sa bhaile ag an am.) Giorraíodh an t-ainm go "Trenton" ní ba dhéanaí. Dála a lán cathracha agus bailte móra i Meiriceá, d'fhás Trenton ag ceann an chuid inseolta d'abhainn (mar atá, an Delaware). Ní raibh na báid ábalta dul ní b'fhaide isteach sa tír, agus nuair a tháinig Réabhlóid na Tionsclaíochta ar an saol thig le daoine féidhm a bhaint as easa agus éascaí le fuinneamh a ghiniúint.

Ba i dTrenton a raibh a chéad bhua ag George Washington i gCogadh Réabhlóideach Mheiriceá, sa bhliain 1776. Tharla sin ar an 26ú lá de Mhí na Nollag, nuair a chuaigh Washington agus a chuid saighdiúirí trasna an Delaware oighreogach agus d’ionsaigh siad an garastún Heiseánach ar an bhaile. Cath Trenton a thugtar air. Rinneadh príomhchathair an stáit de Trenton sa bhliain 1790.

Monarcha J.L. Mott, Trenton, New Jersey, déantóirí trealamh pluiméarachta, 1911

Cuireadh tús ceart leis an tionsclaíocht sa chathair insna 1830idí tar éis thógáil na Canála Delaware & Raritan agus na n-iarnród Pennsylvania agus Philadelphia & Reading. Bhunaigh Walter Scott Lenox ceardlann i dTrenton le poirceallán fíneálta a dhéanamh, ceann amháin as 40 gnólacht a bhí ag déanamh potaireachta agus earraí cré bruite sa chathair sa bhliain 1905. Dhéantaí sreang, rópa, cáblaí, earraí rubair agus eile ann freisin.

Rialtas

Tá príomhoifigí agus cúirteanna stáit New Jersey agus chontae Mercer suite i dTrenton. Cé gurb é Trenton príomhchathair New Jersey, tá teach cónaithe oifigiúil an ghobharnóra, Drumthwacket, suite i mbaile Princeton. (Dála roinnt gobharnóirí eile sa stát, roghnaigh Chris Christie, an gobharnóir i láthair na huaire, gan bheith ina chónaí ann.)