Robbie Keane

Ón Vicipéid, an chiclipéid shaor.
Robbie Keane
2013 Robbie Keane (cropped).jpg
Saol
Eolas breithe Baile Átha Cliath, 8 Iúil 1980 (42 bliain d’aois)
Náisiúntacht Éire
Oideachas
Teangacha an Béarla
Gairm
Gairm imreoir sacair
Cur síos
Grúpaí Blianta I C
600px Flag Wolves Wanderes.png Wolverhampton Wanderers Football Club1997-19997324
Flag of Ireland.svg Foireann sacair náisiúnta Phoblacht na hÉireann1998-201614668
Flag of None.svg Coventry City F.C.1999-20003112
Flag of None.svg Football Club Internazionale Milano2000-200160
Flag of None.svg Leeds United Association Football Club2001-2002284
Flag of None.svg Leeds United Association Football Club2001-2001189
600px Bianco con gallo e palla Blu.png Tottenham Hotspur Football Club2002-200819780
600px Rosso con grifone Bianco scudato e fiamme.png Liverpool Football Club2008-2009195
600px Bianco con gallo e palla Blu.png Tottenham Hotspur Football Club2009-20114111
Flag of None.svg Celtic Football Club2010-20101612
Flag of None.svg West Ham United Football Club2011-201192
Flag of None.svg LA Galaxy2011-201612583
Azzurro e Porpora (Bordato) con leone Giallo.svg Aston Villa Football Club2012-201263
Flag of None.svg ATK Football ClubLúnasa 2017-Aibreán 201896
 
Ionad nó speisialtacht ionsaitheoir
Meachán 80 kg
Airde 175 cm
Duaiseanna
Instagram robbiekeane

Is imreoir sacair Éireannach é Robert "Robbie" David Keane (rugadh ar an 8 Iúil, 1980 é). As Tamhlacht, Baile Átha Cliath do Keane, agus tá sé ina chaptaen ar fhoireann Phoblacht na hÉireann. Imríonn sé mar thosaí le Los Angeles Galaxy, club de chuid Major League Soccer i Meiriceá. Tá na blianta fada caite aige ag imirt i bPríomhroinn Shasana, le clubanna amhail Tottenham Hotspur, Liverpool, Leeds agus Wolverhampton Wanderers. Is é Keane an scórálaí is mó riamh le foireann na hÉireann, an 9ú ceann is mó i stair Tottenham agus an 10ú ceann is mó i stair na Príomhranna Shasanaigh.

Clubanna[cuir in eagar | athraigh foinse]

Keane i ndathanna Spurs

Thosaigh Keane ag imirt sacair le Crumlin United i mBaile Átha Cliath. Fuair sé tairiscintí ó Wolverhamptom Wanderers agus óna laochra Liverpool F.C., ach roghnaigh sé an club níos lú, agus é den tuairim go mbeadh deis imeartha níos mó aige le Wolves. Bhog sé go Sasana chun imirt leo ag aois cúig bliana déag, agus thosaigh sé ag imirt i bhfoireann na n-óg. D'éirigh Keane aníos go maith, agus bhris sé isteach sa chéad fhoireann agus é seacht mbliana d'aois. D'aimsigh sé dhá chúl ina chead chluiche gairmiúil ar an 9 Lúnasa 1997, agus a fhoireann ag fáil an lámh in uachtar ar Norwich City.

Bhí sár-bhliain ag Keane sa chéad séasúr eile 1998/99, agus chríochnaigh sé mar an scórálaí is mó le sé chúl déag. Thosaigh a chuid éachtaí ag dul go mór i bhfeidhm ar bhainisteoir na foirne Colin Lee agus ar na meáin. Ag an am seo, bhí tús curtha ag Keane lena ghairm idirnáisiúnta chomh maith, agus chuir na cúil a bhí á aimsiú aige leis an dá fhoireann a ainm i mbéal an phobail arís. Bhí suim léirithe ag cuid de na gclubanna ba mhó, agus bhí deacrachtaí airgeadais ag Wolves chomh maith. Ní raibh an dara rogha acu ach a n-imreoir ab fhearr a chur ar díol, le praghas ard.

Shínigh Keane conradh le Coventry City F.C., a bhí ag imirt sa Phríomhroinn, cúpla sheachtain tar éis tús an tséasúir 1999/2000. Sé milliún punt ab ea luach an chonartha, an ceann ba mhó sa tír ag an am do dhéagóir. Bhí tréimhse ghearr ach an-rathúil aige le Coventry, agus é ag imirt le stíl ionsaitheach le imreoirí cruthaitheacha eile ar nós Carlton Palmer, Gary McAllister, Mustapha Hadji, Youssef Chippo agus Gavin Strachan. Bhí sé ag imirt ag barr a mhaitheasa, ag aimsiú an eangaigh go healaíonta agus ar bhonn rialta. Bhí sé ar dhuine de na peileadóirí ab ansa le lucht leanta na foirne gan mhoill. Níorbh fhada gur thosaigh na clubanna móra ag cur ceisteanna faoi arís, agus ghabh sé tairiscint ó Inter Milan. Ní mó ná sásta a bhí tacadóirí na foirne, a dhearbhaigh gurbh é díol Keane an rud a chur tús le ísliú Coventry ag deireadh na bliana.

Mar thoradh, theastaigh ó Marcello Lippi é a thabhairt go dtí an Iodáil, chun imirt lena fhoireann Internazionale. Thug Inter 13 milliún punt do Choventry, agus chuaigh Keane go dtí Milano chun imirt le Ronaldo, Christian Vieri, agus na himreoirí cáiliúla eile a bhí ann. Ní raibh an t-ádh le Keane an am seo áfach. Tar éis cúpla mí, chaill Lippi a phost, agus chaill Keane a áit san fhoireann nuair a tháinig an bainisteoir nua Marco Tardelli isteach.

Cuireadh Keane amach ar iasacht do Leeds United F.C., i Sasana, i Nollaig 2000. D'éirigh go maith leis le Leeds, agus d'aimsigh sé naoi gcúl ina chéad 14 chluiche. Cheannaigh an bainisteoir David O'Leary é i mí Bealtaine, 2001, ar 12 milliún. Tréimhse dheacair ab ea é don chlub, áfach, agus b'éigean dóibh imreoirí a dhíoladh mar gheall ar na fadhbanna airgeadais a bhí acu.

Keane ag tógáil chic pionóis i White Hart Lane

Thóg Glen Hoddle Keane go Tottenham Hotspur, i Londain sa bhliain 2002. Thosaigh Keane ag imirt go hiontach arís, agus bhuaigh sé an duais "imreoir na bliana" sa chlub faoi dhó. Shínigh Keane conradh nua le Tottenham i mí Márta, 2006.

Tar éis sé bliana le Spurs, bhog Keane go dtí Liverpool F.C. ar an 29 Iúil, 2008, an club a thacaigh sé mar bhuachaill óg. D'imir sé a chéad chluiche leo i gcoinne S.S. Lazio agus d'aimsigh sé a chéad chúl i gcoinne PSV Eindhoven ar an 1 Deireadh Fómhair 2008. Cé gur ghnóthaigh Keane seacht gcúl as seacht gcluiche déag, fágadh amach as an scuaid é cúpla huaire, rud a chruthaigh ráflaí sna meáin ag rá nach raibh todhchaí aige ag an gclub. Nuair a tháinig Spurs ar ais ag cur ceisteanna faoi, d'fhill sé ar ais ar an gclub. Shínigh sé conradh nua leo ar an 2 Feabhra 2009, agus rinneadh leaschaptaen na foirne de. Cuireadh fáilte cheart roimhe ar ais chuig an gclub, ach níor shocraigh sé síos i gceart. Bhí Jermaine Defoe tagtha ar ais don chlub chomh maith, agus bhí an-iomaíocht idir eisean, Keane agus Peter Crouch chun áit rialta a fháil san fhoireann. Ábhar sóláis a bhí ann dó nuair a seoladh Keane amach ar iasacht leis na gCeiltigh san Albain ar an 1 Feabhra 2010. D'imir sé ag beagnach barr a mhaitheasa san Albain, agus roghnaithe mar imreoir na bliana.

Níor mhair an conradh iasachta leis na gCeiltigh ach go deireadh an tséasúir, agus d'fhill Keane taobh theas den teorann uair amháin eile. Cé nach raibh Spurs sásta é a fhágáil ó thuaidh, ní raibh siad in ann seans imeartha a thabhairt dó ach oiread. Ghlac siad iarratas iasachta ó West Ham United, agus d'fhan Keane anseo go deireadh na bliana. Cuireadh deireadh leis an gconradh áfach nuair a chlis West Ham ón Phríomhroinn.

Foireann náisiúnta[cuir in eagar | athraigh foinse]

Tá gairmréim fada agus rathúil caite ag Keane mar imreoir idirnáisiúnta. D'imir sé a chéad chluiche i gcoinne Phoblacht na Seice in Olomouc i mí Márta, 1998. Ghnóthaigh sé a chéad chúl i gcoinne Mhálta i mí Dheireadh Fómhair, sa bhliain chéanna. D'éirigh go maith leis i gCorn Sacair an Domhain sa bhliain 2002, le trí chúl i gceithre chluiche. Scóráil sé cúl an-tábhachtach sa chomórtas seo, ag deireadh an chluiche i gcoinne na Gearmáine.

Ag an am seo, tá níos mó cúil ag Keane ná aon pheileadóir eile san fhoireann náisiúnta. Tá daichead cúl aige sa lá atá inniu ann.

Saol pearsanta[cuir in eagar | athraigh foinse]

Phós Keane le Claudine Palmer, iar-iomaitheoir Miss Ireland ar an 7 Meitheamh 2008 i mBaile Breac, Baile Átha Cliath. Saolaíodh mac leo darbh ainm Robert Ronan Keane ar an 10 Bealtaine 2009.