Nicolas Sarkozy

Ón Vicipéid, an chiclipéid shaor.
Jump to navigation Jump to search
Nicolas Sarkozy
Flickr - europeanpeoplesparty - EPP Summit October 2010 (105).jpg

23ú Uachtarán na Fraince
6ú Uachtarán na 5ú Poblachta
In oifig
16 Bealtaine 2007 - 15 Bealtaine 2012
Réamhtheachtaí: Jacques Chirac
Comharba: François Hollande

Dáta breithe 28 Eanáir 1955
Áit bhreithe Páras An Fhrainc
Páirtí UDR (1974)
RPR (1976)
UMP (2004)
Céile (1) Marie-Dominique Culioli (1982-1996 colscartha)
(2) Cécilia Ciganer-Albeniz (1996-2007 colscartha)
(3) Carla Bruni Tedeschi (2008-)
Síniú
Nicolas Sarkozy signature.svg

Ba uachtarán na Fraince idir 2007 agus 2012 é Nicolas Sarkozy, an 23ú uachtarán na Fraince (rugadh Nicolas Paul Stéphane Sarközy de Nagy-Bocsa ar an 28 Eanáir 1955, 17ú arrondissement, Páras, An Fhrainc).

Fuair sé an ceann is fearr ar Ségolène Royal sa dara babhta den toghchán uachtaránachta ar an 6 Bealtaine 2007. Tháinig sé i gcomharbacht ar Jacques Chirac ar an 16 Bealtaine 2007.

Roimh a uachtaránacht, ba é ceannaire an UMP (Aontacht chun Gluaiseachta Coitianta) é. Ceapadh mar Aire Gnóthaí Baile é sa chéad rialtas de chuid Jean-Pierre Raffarin ó Bealtaine 2002 go Márta 2004 agus ansin ceapadh mar Aire Airgeadais é i rialtas deireanach Raffarin ó Márta 2004 go Bealtaine 2005. Ceapadh arís mar Aire Gnóthaí Baile é i rialtas Dominique de Villepin (2005-2007).

Ba Uachtarán Chomhairle Ginearálta départment (contae) Hauts-de-Seine é ó 2004 go 2007 agus ba mhéara é ar Neuilly-sur-Seine, ceann de na communes (bailte) is saibhre sa Fhrainc ó 1983 go 2002. Ceapadh é mar Aire Cáinaisnéise é i rialtas Édouard Balladur (RPR, réamhtheachtaí an UMP) i rith téarma deireanach Francois Mitterand.

Tá Sarkozy go mór i bhfábhar dlí agus oird agus ba mhaith leis geilleagar na Fraince a athbheochan. Gheall sé go neartófar an entente cordiale leis an Ríocht Aontaithe agus go mbeadh níos mó comhoibrithe leis na Stáit Aontaithe.

Tugtar an leasainm Sarko air go forleathan.