Máisiúnachas

Ón Vicipéid, an chiclipéid shaor.
Jump to navigation Jump to search
suaitheantas

Is éard atá i gceist le máisiúnachas (freemasonry) ná eagraíocht shóisialta a tháinig ar an saol sna 17ú agus 18ú haoiseanna ar an laghad. Bhí an Eaglais Chaitliceach Rómhánach ariamh ina choinne.

An Goose agus Gridiron, mar ar bunaíodh an chéad lóiste Máisiúnach

Stair[cuir in eagar | athraigh foinse]

Bóthar Glenogle, Dún Éideann

Bunaíodh an máisiúnachas i Sasana sa bhliain 1717 nuair a tháinig scata fear le chéile sa teach ósta Goose and Gridiron i Londain. Chuir siad an chéad Lóiste Mór ar bun.

Gearmáin na Naitsithe[cuir in eagar | athraigh foinse]

Josephine Baker; ghlac sé ballraíocht sa chraobh Nouvelle Jérusalem

Scríobh Hitler nach raibh sna Máisiúin ach balbháin de chuid na comhcheilge Giúdaí, agus go raibh siad ag scaipeadh síochánachais a bhí ag cur fearúlacht agus cogúlacht an fhir Ghearmánaigh ó mhaith.[1]

Ar an 8 Eanáir 1934 sa Ghearmáin, cuireadh cosc leis an máisiúnachas ar fad. Choigistigh Roinn Gnóthaí Inmheánacha na Gearmáine maoin agus fáltas na gcraobhacha máisiúnacha. Aon duine a bhí ina mháisiún nuair a shealbhaigh Hitler an chumhacht sa Ghearmáin, ní raibh cead aige ballraíocht a lorg i bpáirtí na Naitsithe ná oifig phoiblí a shealbhú.

Dhearc an páirtí ar na máisiúin mar naimhde ar chúiseanna idé-eolaíochta. Dá bharr sin, bhí ar na máisiúin sna campaí géibhinn níos déanaí triantán dearg a chaitheamh lena stádas mar chimí polaitiúla a thaispeáint don tsaol ina dtimpeall.

Is deacair a rá, cé mhéad máisiún a maraíodh sna campaí géibhinn. Creidtear go bhfuil an figiúr ceart suite idir ochtó míle agus dhá chéad míle.[2][3]

Masonic Hall, bóthar Hamilton, Beannchar, An Dún

In Éirinn[cuir in eagar | athraigh foinse]

Ceaptar gur bunaíodh an chéad Lóiste Mór in Éirinn sa bhliain 1725. Is é an Lóiste Mór Éireannach an dara ceann ar domhan dár bunaíodh agus is é an ceann is sine dá maireann inniu.

Láithreán gréasáin[cuir in eagar | athraigh foinse]

Tagairtí[cuir in eagar | athraigh foinse]

  1. "Freemasonry under the Nazi Regime" (en). encyclopedia.ushmm.org. Dáta rochtana: 2021-01-08.
  2. "Freemasonry" (en). encyclopedia.ushmm.org. Dáta rochtana: 2021-01-08.
  3. "Bernard Fay". www.masonicinfo.com. Dáta rochtana: 2021-01-08.