Jean-Marie Le Pen
Is polaiteoir Francach é Jean Marie Le Pen (20 Lúnasa 1928 a rugadh é, La Trinité-sur-Mer, An Fhrainc). Is eisean a bhunaigh an Front National, páirtí atá go mór ar an eite dheis agus ar a bhfuil a hiníon Marine Le Pen ina ceannaire ón mbliain 2011. Bhí sé san iomaíocht cúig uaire i dtoghchán uachtaránachta na Fraince. Bhain sé an dara háit amach sa chéad bhabhta vótála sa bhliain 2002 ach bhí bua éasca ag Jacques Chirac sa dara bhabhta vótála.
