George Francis Fitzgerald

Ón Vicipéid, an chiclipéid shaor.
George Francis Fitzgerald
George Francis FitzGerald.jpg
Saol
Eolas breitheBaile Átha Cliath, 3 Lúnasa 1851
NáisiúntachtRíocht Aontaithe na Breataine Móire agus na hÉireann
BásBaile Átha Cliath, 22 Feabhra 1901, 21 Feabhra 1901
Áit adhlacthaReilig Chnocán Iaróm
Oideachas
Alma materColáiste na Tríonóide, Baile Átha Cliath
Leibhéal oideachaisollamh
Teangachaan Béarla
Gairm
Gairmfisiceoir agus múinteoir ollscoile
FostóiríColáiste na Tríonóide, Baile Átha Cliath
Duaiseanna
BallraíochtCumann Ríoga
Lucht Maxwell

Fisicí turgnamhach a saolaíodh i mBaile na Manach, Baile Átha Cliath ab ea George Francis Fitzgerald (1851-1901). Rinne sé taighde ar optaic is leictridinimic. Réamhinis sé go nginfeadh sruth ailtéarnach i sreang tonnta leictreamaighnéadacha sa timpeallacht, rud a chruthaigh Hertz go turgnamhach i 1888. D'eascair teileagrafaíocht, raidió, teilifís, teileafóin iniompartha, teileachumarsáid, loingseoireacht le satailítí, agus a lán eile as seo. Neamhspleách ar Lorentz, chonchlúidigh sé go mbíonn an chuma ar réad atá faoi ghluaisne go bhfuil sé craptha is níos giorra do bhreathnadóir fosaithe: giorrú Fitzgerald-Lorentz. Níos déanaí, bhain Einstein feidhm as an léargas seo ina theoiric choibhneasachta speisialta.