Feidhmeannacht na Seirbhíse Sláinte

Ón Vicipéid, an chiclipéid shaor.
Jump to navigation Jump to search
Feidhmeannacht na Seirbhíse Sláinte
Curtha ar Bun 1 Eanáir 2005
Dlínse Éire
Buiséad > €103 billiún (2015)
Méid Fostaithe > 66,000 go díreach (2015)
Ard-stiúrthóir Tony O'Brien (sa bhliain 2015)
Suíomh Idirlíon www.hse.ie

Is í Feidhmeannacht na Seirbhíse Sláinte (FSS) (nó Health Service Executive agus HSE) an eagraíocht atá freagrach as cúram sláinte a chur ar fáil in Éirinn. Tá freagracht ag an Aire Sláinte as an bhFeidhmeannacht sa rialtas.

Eagraíocht agus Maoiniú[cuir in eagar | athraigh foinse]

Tá an eagraíocht maoinithe as an státchiste. Bhí buiséad bliantúil €103 billiún ag an FSS sa bhliain 2015[1], níos mó ná aon eagraíocht stát eile. Bhí buiséad bliantúil €13 billiún ag an FSS sa bhliain 2005.

Is í Feidhmeannacht na Seirbhíse Sláinte an fostóir is mó in Éirinn le breis is 103,000 daoine fostaithe acu go díreach sa bhliain 2015. Is í an tseirbhís sláinte an fostóir is mó sa stát agus 120,000 ball pearsanra, nó 103,884 coibhéis lánaimseartha fostaithe inti ag deireadh mhí na Nollag 2015. Sin ardú móriomlán de 4.6% nó 4,557 CL sa bhliain i gcomparáid le ardú de 2,332 CL sa tréimhse chéanna in 2014. Tá an t-ardú sin tiomanta ag an aistriú ó fhoireann ghníomhaireachta go dtí CLanna.

As na 103,884 CL sa bhliain 2015: • Bhí 63.8% (66,278) fostaithe leis an FSS • Bhí 22.5% (23,374) san earnáil dheonach ospidéil, agus • Bhí 13.7% (14,232) san earnáil dheonach neamhghéar.

Tháinig ardú de 4.6% ar líon na mball foirne a bhí fostaithe ar fud na gcatagóirí foirne go léir agus 61% den ardú sin (2,797 CL) laistigh de sheirbhísí na n-ospidéal géarmhíochaine. Seo a leanas mar a léirítear an t-ardú sna leibhéil fostaíochta sa bhliain 2015: • 5.9% i míochaine/fiaclóireacht • 2.4% in altranas • 6.9% i ngairmithe sláinte agus cúram sóisialta • 6.9% i mbainistíocht/riarachán • 0.8% san fhoireann ghinearálta tacaíochta • 6.3% i gcúram othar.

Tá ceanncheathrú an FSS lonnaithe in Ospidéal Dr Steevens', BÁC 8, Éire. Is í an roinn rialtais atá bainteach leis an FSS go príomha ná an Roinn Sláinte.

Stair[cuir in eagar | athraigh foinse]

Bhí an Fheidhmeannacht curtha ar bun ag Acht Sláinte 2004 agus tháinig sé i bhfeidhm ar an gcéad lá Eanáir 2005. Tháinig sé i gcomharbacht ar na Bord Sláinte agus roinnt eagraíochtaí agus gníomhaireachtaí eile.

Féach freisin[cuir in eagar | athraigh foinse]

Tagairtí[cuir in eagar | athraigh foinse]