Eileen Gray
| Eileen Gray | |
|---|---|
 | |
| Saol | |
| Ainm iomlán | Kathleen Eileen Moray |
| Eolas breithe | Inis Córthaidh, 9 Lúnasa 1878 |
| Náisiúntacht | Éire |
| Bás |
14th arrondissement of Paris (en)  , 31 Deireadh Fómhair 1976 |
| Áit adhlactha |
Reilig Père-Lachaise cnámhlann Père-Lachaise |
| Muintir | |
| Athair | James Maclaren Smith-Gray |
| Máthair | Eveleen Smith-Gray, 19th Lady Gray |
| Céile/Céilí | no value |
| Oideachas | |
| Alma mater |
Académie Colarossi Académie Julian Slade School of Fine Art (en) (1901 - 1902) |
| Teangacha |
An Fhraincis An Béarla |
| Gairm | |
| Gairm | ailtire agus dearthóir |
| Saothar iomráiteach |
E-1027 (en) "Dragons" armchair (en) |
| Duais |
liosta iomláin
|
Ailtire agus dearthóir troscán Éireannach ab ea Kathleen Eileen Moray Gray (9 Lúnasa 1878 – 31 Deireadh Fómhair 1976). Ceannródaí i ngluaiseacht ailtireachta an Nua-Aoiseachais ba ea í. Bhí Gray ar dhuine de na dearthóirí agus na hailtirí ba mhó tionchar sa 20ú haois.[1]
Saol[cuir in eagar | athraigh foinse]
In Inis Córthaidh, i gContae Loch Garman, a rugadh í. D'fhás sí aníos ansin agus i Londain. Rinne sí staidéir ar an ealaín i Londain (scoil Slade) agus ansin i bPáras (scoil Julien). Sa Fhrainc a chaith sí an chuid ba mhó dá saol mar dhuine fásta. Bhí sí ina cónaí san árasán céanna i bPáras (21 rue Bonaparte, 6ú arrondissement) ó 1907 go dtí lá a báis sa bhliain 1976, in aois a 98 bliana.
Saothar[cuir in eagar | athraigh foinse]
Bhí Gray ar dhuine de phríomhcheannairí na gluaiseachta deartha nua-aimseartha i dtús na 20ú haoise. Dhear sí troscán laicir ar dtús. Thosaigh sí ag obair le foirmeacha ailtireachta i ndeireadh na 1920idí. Bhí cur chuige nua aici maidir le cruth, líne, úsáid dathanna, ábhair agus uigeachtaí.[1]
Ina saothair laicir agus ina cairpéid, rinne sí nasc radacach idir ceirdeanna traidisiúnta agus prionsabail an Fhóbhachais, an Chiúbachais, agus De Stijl. Dhírigh sí ar a dtréithe tadhlacha, cinéistéiseacha agus céadfacha agus leathnaigh sí an cur chuige sin go dtí an troscán nua-aimseartha. Ba í an chéad dearthóir í a d’oibrigh le cróm.[1]
Ba ise an chéad duine a d’úsáid alúmanam, ceallalóid, cruach fheadánach, bácailít agus corc ina dearthaí. Comhartha sóirt dá cuid dearthaí uathúla ba ea ceangal ar leith leis an bhfoirm agus leis an líne ghlan, ach bhí siad feidhmiúil, ciallmhar agus compordach i gcónaí chomh maith.[1]
Comóradh[cuir in eagar | athraigh foinse]
Is beag aitheantas a bhfuair sí in Éirinn di le linn a saoil, seachas sa taispeántas “Eileen Gray, Pioneer of Design.”, a bhí ar siúl i mBanc na hÉireann i samhradh na bliana 1973.[1]
Bhronn Institiúid Ríoga Ailtirí na hÉireann comhaltacht onórach uirthi sa bhliain 1974.
Sa bhliain 2015 d'eisigh An Post foireann stampaí poist lena cuid dearthóireacht troscán a chomóradh.