Ciste Airgeadaíochta Idirnáisiúnta

Ón Vicipéid, an chiclipéid shaor.
Ceanncheathrú i Washington

Is foras airgeadais agus airgeadaíochta idir-rialtasach comhoibritheach é an Ciste Airgeadaíochta Idirnáisiúnta (CAI)(An IMF nó an International Monetary Fund sa Bhéarla) a bhaineann le feidhmiú an chórais airgeadaíochta idirnáisiúnta agus le polasaithe maicreacnamaíocha a bhallstáit, ach go háirithe iad siúd a mbíonn tionchar acu ar an ráta malairte agus le comhardú na n-íocaíochtaí.

Is cuspóir sonraithe na heagraíochta é rátaí malairte idirnáisiúnta a chobhsú agus forbairt a éascú trí fhorfheidhmiú liobrálachas an mhargaidh ar tíortha eile mar choinníoll le haghaidh iasachtaí athstruchtúraithe nó cabhrach. Tairgeann an CAI iasachtaí le han-ghiaráil, den chuid is mó do thíortha níos boichte. Tá a cheanncheathrú i Washington, DC, Stáit Aontaithe Mheiriceá. Cáineann roinnt foinsí go trom an tionchar 'míchuí' (dar leo) a imiríonn an CAI ar fhorás agus ghnóthaí an domhain.

Eagrúchán agus cuspóir[athraigh | edit source]

Bunaíodh an Ciste Airgeadaíochta Idirnáisiúnta (CAI) go hoifigiúil sa bhliain 1945, tar éis do 29 tír a chuid Airteagal Comhlachais a shíniú ag comhdháil a tionóladh in Bretton Woods, New Hampshire, Stáit Aontaithe Mheiriceá, i mí Iúil 1944, a bhfuil mar aidhm aige rátaí malairte a chobhsú agus cuidiú le hathchóiriú an córas íocaíochta idirnáisiúnta . Rannchuidíonn tíortha chuig ciste a d'fhéadfadh a bheith bronnta ar iasacht, ar bhonn sealadach, ar thíortha le míchothromaíochtaí íocaíochta (Condon, 2007). Bhí tábhachtach leis an CAI nuair a chéad cruthaíodh é mar chabhraigh sé leis córas eacnamaíochta domhanda a chobhsú. Oibríonn an CAI chun geilleagar na mballstát a fheabhasú. Cuirean an CAI síos ar é féin mar "eagraíocht de 187 tír (ó Iúil 2010), a bhíonn ag obair le haghaidh chomhoibriú airgeadaíochta dhomhanda , cobhsaíochta airgeadais a chosaint, trádáil idirnáisiúnta a éascú, chur chun cinn ard fostaíocht agus fás eacnamaíoch inbhuanaithe, agus an bochtaineachta a laghdú. "

Ballraíocht[athraigh | edit source]

Tá 186 ball de chomhaltaí na Náisiúin Aontaithe agus an Chosaiv sa CAI.

Iarrbhaill is ea iad: Cúba (ó 1964), agus an Téaváin (a díbrithe as sa bhliain 1980 mar gheall ar chúiseanna polaitiúla).

Is iad na tíortha eile nach baill iad : An Chóiré Thuaidh, Andóra, Monacó, Lichtinstéin, Nárú, Oileáin Cook, Niue, Cathair na Vatacáine agus an chuid eile de na stáit a bhfuil aitheantas teoranta acu.

Bíonn rannpháirteach dhíreach ag gach ballstát leis an CAI. Bíonn ionadaíocht ag na stáit ar Bhord Feidhmiúcháin (bíonn cúigear Stiúrthóirí Feidhmiúcháin ceaptha ag an cúigear comhaltai leis na cuótaí is mó, agus bíonn 19 Stiúrthóirí Feidhmiúcháin tofa ag na baill eile), agus is iad na comhaltaí go léir a cheapann Gobharnóir chun Bhoird Gobharnóirí an CAI .

Bíonn gach ball den CAI freisin ina gcomhaltaí freisin den Bhanc Idirnáisiúnta Athfhoirgníochta agus Forbartha (BIAF), agus vice versa.