Chris Heaton-Harris
Is polaiteoir Sasanach é Christopher Heaton-Harris MP (a rugadh ar an 28 Samhain 1967), agus ball den Pháirtí Coimeádach. Ceapadh é mar Rúnaí Stáit do Thuaisceart Éireann ar 6 Meán Fómhair 2022.[1][2]
D’fhóin sé roimhe seo mar Phríomh-Aoire an Rialtais i dTeach na dTeachtaí agus mar Rúnaí Parlaiminte don Státchiste ó mhí Feabhra go Meán Fómhair 2022.
Tá Heaton-Harris go mór i bhfábhar Brexit agus é ina Chathaoirleach le 6 bliana anuas ar an European Research Group – an grúpa d'fheisirí parlaiminte sa bPáirtí Caomhach a bhí i mbun feachtais ar son na Breatimeachta.
Tús a shaoil[cuir in eagar | athraigh foinse]
Rugadh Heaton-Harris ar an 28 Samhain 1967 agus d’fhreastail sé ar Scoil Tiffin i Kingston upon Thames.[3] D’fhreastail sé ar Polaiteicnic Wolverhampton,[4] a rinneadh Ollscoil Wolverhampton de i 1992 .
D’oibrigh sé don ghnó teaghlaigh ag New Covent Garden Market, sular ghlac sé ceannas an ghnó What4 Ltd ar láimh ón a athair ar feadh aon bhliain déag.[5][6]
Gairm pholaitiúil[cuir in eagar | athraigh foinse]
In olltoghchán na R-A sa bhliain 1997 níor éirigh leis ina iarracht suíochán a bhuachan sa toghcheantar Leicester Theas.[7]
Bhí sé ina Fheisire de Pharlaimint na hEorpa do Lár na Tíre Thoir ó 1999 go 2009.[8]
Ní raibh fonn air fanacht san Eoraip ach níor éirigh leis suíochán a bhuachan arís i fothoghchán sa toghcheantar Leicester Theas sa bhliain 2004.[6]Cuireadh Heaton̠-Harris ar an 'A list' den pháirtí nuair a tháinig sé ar ais ó Pharlaimint na hEorpa in 2009. Toghadh é thar ceann Daventry[9] san olltoghchán Westminster sa bhliain 2010.
Ceapadh é go díreach mar Chathaoirleach ar an nGrúpa Taighde na hEorpa (European Research Group) in Westminster agus d'fhan sé sa phost sin go dtí 2016.
Bhí Heaton-Harris ina fhuip i rialtas Theresa May ó 2017 go 2018.
D’fhóin sé mar Leas-Cheannaire ar Theach na dTeachtaí agus mar Ard-Reachtaire an Rítheaghlaigh ó Eanáir go Meitheamh 2018. Bhí sé ina Aire Breatimeachta ó 2018 go 2019, sular éirigh sé as chun tacú leis an dara tairiscint do cheannaireacht na gCaomhach de chuid Andrea Leadsom, tairiscint a chaill sí do Boris Johnson .
Ar 25 Iúil 2019, cheap Johnson é ina Aire Stáit Iompair.
Ceapadh Heaton-Harris ina Aire Stáit don Eoraip an 19 Nollaig 2021 nuair a aistríodh freagracht aireachta don Eoraip amach as an Oifig Comh-Aireachta agus chuig an Oifig Gnóthaí Eachtracha.[10] Bhí sé ina Aire Stáit don Eoraip faoin Rúnaí Eachtracha Liz Truss ó 2021 go 2022.
I mí Feabhra 2022 ceapadh Heaton-Harris ina Phríomh-Aoire ar an bPáirtí Coimeádach.[11] Bhí mar chúntóir aige Chris Pincher; d'éirigh Pincher as a chúram mar Leas-Phríomh-Aoire Rialtas na Breataine i mí Iúil, i bhfianaise líomhaintí faoi mhí-iompar gnéis. Bhris an scannal sin rialtas Johnson.[12][13]
Rúnaí Stáit do Thuaisceart Éireann[cuir in eagar | athraigh foinse]
Cheap Liz Truss é mar Rúnaí Stáit do Thuaisceart Éireann ar 6 Meán Fómhair 2022.[2] Dúirt Heaton-Harris go díreach gur bhfearr leis ceist an Phrótacail a shocrú tré chomhráití. Ach dúirt sé freisin go bhfeidhmeofar reachtaíocht ar an gceist "más gá".
Ar 28 Deireadh Fómhair. gheall sé go ndéanfadh sé gach a bhféadfadh sé lena chinntiú nach mbeadh seirbhísí poiblí thíos leis.[14][15]
Féach freisin[cuir in eagar | athraigh foinse]
Tagairtí[cuir in eagar | athraigh foinse]
- ↑ "Who is Chris Heaton-Harris? All you need to know about Northern Ireland’s new Secretary of State" (en-GB). belfasttelegraph. Dáta rochtana: 6 September 2022.
- ↑ 2.0 2.1 Nuacht RTÉ (2022-09-07). ""Reachtaíocht an Phrótacail más gá" – An Státrúnaí nua" (as ga-IE).
- ↑ “HEATON-HARRIS, Christopher”. Who's Who 2017. A & C Black (November 2016). Dáta rochtana: 29 October 2017.
- ↑ Madeley (31 October 2017). "Brexit voters are 'thick': Labour MP comment sparks fury". Express & Star.
- ↑ “New Covent Garden Market — [Mr Philip Hollobone in the Chair – in Westminster Hall at 3:54 pm on 2nd July 2019.]”. Theyworkforyou.com. Dáta rochtana: 7 August 2020.
- ↑ 6.0 6.1 “Chris Heaton-Harris”. Politics.co.uk. Dáta rochtana: 8 August 2020.
- ↑ “Chris Heaton-Harris MP”. Parliament.co.uk. Dáta rochtana: 7 August 2020.
- ↑ “About Chris”. Chris Heaton-Harris MP. Dáta rochtana: 8 August 2018.
- ↑ "Daventry (UK Parliament constituency)" (as en) (2022-08-23). Wikipedia.
- ↑ “Ministerial appointments: 19 December 2021” (en). GOV.UK. Dáta rochtana: 19 December 2021.
- ↑ agus mar Rúnaí Parlaiminte don Státchiste, sa phost sin ó mhí Feabhra go Meán Fómhair 2022.
- ↑ Nuacht RTÉ (2022-07-06). "Cos i bhfeac ag Johnson ach tuilleadh dílseánach á thréigean" (as ga).
- ↑ Nuacht RTÉ (2022-07-07). ""Boris Johnson chun éirí as mar cheannaire an Pháirtí Chaomhaigh"" (as ga).
- ↑ Nuacht RTÉ (2022-10-28). "Toghchán tionóil: Heaton-Harris idir dhá chomhairle, is cosúil" (as ga).
- ↑ Nuacht RTÉ (2022-10-28). "Heaton-Harris cáiréiseach go fóill faoina bhfuil ar intinn aige" (as ga).