Brioscáin phrátaí

Brioscáin phrátaí

Bunús
Tír dhúchais	Iosrael
Sonraí
Cineál	bia, sneaic agus chip (en)
Príomh-chomhábhair	ola glasraí, blastán, salann, spíosra agus práta

Is éard atá i gceist le brioscáin phrátaí nó criospaí ná sliseoga tanaí de phrátaí atá domhainfhriochta go dtí go n-éiríonn siad briosc. Itear mar scroid iad de ghnáth. Cuirtear mar mhaisiúchán iad in aice ceapairí i mbialanna. Díoltar i málaí beaga iad de ghnáth, ach is féidir iad a cheannach i bhfeadán freisin, Pringles ach go háirithe. Bíonn blasanna éagsúla ar bhrioscáin phrátaí. Is iad brioscáin phrátaí le salann orthu an blas bunúsach, ach is iomaí blas eile atá ar fáil amhail cáis agus oinniúin, salann agus fínéagar, gairleog, oinniún, síobóid, cillí, blas bagún, blas na mara is araile. Níl teorainn le líon na mblasanna.

Bunús

De réir an bhéaloidis, ba é an cócaire George Chum a chruthaigh brioscáin phrátaí don chéad uair ar an 24 Lúnasa, 1853. Bhí fear ag iarraidh béile a chaitheamh sa bhialann Moon's Lake House gar do Saratoga Springs, Nua-Eabhrac. Níor thaitin na prátaí a thugadh dó leis an bhfear clamhsánach áirithe seo. D'éirigh an tUasal Chum bréan den fhear nuair a sheol sé na prátaí ar ais chuige arís agus arís eile, ag áitiú go raibh na prátaí ró-thiubh agus bhíodar ina spaideanna. Le sin, ghearr Chum prátaí an-thanaí ar fad ionas nach bheadh an clamhsánaí in ann iad a ithe le gabhlóg. Rinne sé iad a fhriochadh i gcorcán lán le ola te. Thaitin na prátaí friochta seo go mór leis an fhear, cé nach raibh Chum ag súil leis. Bhí na brioscáin phrátaí ar fáil sa bhialann as sin amach. Ghlaodh "Saratoga Chips" orthu.