Bríd Rodgers

Bríd Rodgers

Beathaisnéis
Breith	20 Feabhra 1935 89 bliana d'aois Gaoth Dobhair
An tAire Talmhaíochta agus Forbartha Tuaithe
30 Bealtaine 2000 – 14 Deireadh Fómhair 2002
An tAire Talmhaíochta agus Forbartha Tuaithe
2 Nollaig 1999 – 11 Feabhra 2000
Ball den 1ú Tionól i dTuaisceart Éireann 1973–74
25 Meitheamh 1998 – 28 Aibreán 2003 (díscaoileadh na parlaiminte) Téarma parlaiminte: Céad Tionól Thuaisceart Éireann Toghcheantar: An Bhanna Uachtarach (Toghcheantar Tionóil) Toghadh i: Toghchán Thionól Thuaisceart Éireann 1998
Seanadóir na hÉireann
23 Feabhra 1983 – 3 Aibreán 1987 Téarma parlaiminte: 17ú Seanad Éireann Toghcheantar: Baill ainmnithe de Sheanad Éireann
Faisnéis phearsanta
Scoil a d'fhreastail sé/sí	An Coláiste Ollscoile, Baile Átha Cliath
Gníomhaíocht
Gairm	polaiteoir
Ball de pháirtí polaitíochta	Páirtí Sóisialta Daonlathach an Lucht Oibre

Is iar-pholaiteoir Éireannach í Bríd Rogers a rugadh i nGaoth Dobhair, Contae Dhún na nGall, ach a bhí gníomhach ó thaobh na polaitíochta de i dTuaisceart Éireann, áit a raibh sí ina Leas-Cheannaire ar an Pháirtí Sóisialta Daonlathach an Lucht Oibre (PSDLO nó SDLP) agus ina Ball de Thionól Thuaisceart Éireann don Bhanna Uachtarach.

Gníomhréim pholaitiúil

Cuireadh oideachas foirmiúil uirthi i Muineachán agus i gColáiste na hOllscoile, Baile Átha Cliath, agus bhí chónaí uirthi i dTuaisceart Éireann ó 1960ar aghaidh. Bhí baint aici leis an Ghluaiseacht Chearta Sibhialta ó 1965.

Bhí sí ar dhuine de bhunaitheoirí an PSDLO, agus ceapadh ina Cathaoirleach í sa bhliain 1978 agus ina hArd-Rúnaí sa bhliain 1981. Sa bhliain 1983 d'ainmnigh an Taoiseach Gearóid Mac Gearailt í chuig Sheanad Éireann, agus d'fhreastail sí ann go dtí 1987. Bhí Rodgers ina ceannaire ar fhoirn an PSDLO sna cainteanna a ba chúis le Chomhaontú Aoine an Chéasta.

Toghadh í do Thionól Thuaisceart Éireann do toghcheantar na Banna Uachtaraí i Meitheamh 1998. Ceapadh í do chéad Fheidhmeannacht Thuaisceart Éireann i mí na Samhna 1999 mar Aire Talmhaíochta agus Forbartha Tuaithe, agus d'fhan sí sa phost sin go dtí gur cuireadh an Fheidhmeannacht ar fionraí, Deireadh Fómhair 2002.

Ceapadh í ina leascheannaire ar an pháirtí i mí na Samhna 2001. sheas sí siar mar Chomhalta den Tionól Reachtach ag toghcháin an Tionóil, Samhna 2003, agus mar leas- cheannaire i mí Feabhra 2004, nuair a tháinig a hionadaí Alasdair McDonnell i gcomharbacht uirthi.

Saol pearsanta

Tá Rodgers pósta agus seisear páistí aici. Tá cianghaol aici leis an drongadóir Gael-Mheiriceánach Uinseann Ó Colla. Labhraíonn sí Gaeilge, Béarla agus Iodáilis.