Bobby Charlton
Fear spóirt Sasanach ab ea Sir Bobby Charlton (a rugadh ar an 11 Deireadh Fómhair 1937 in Ashington, Northumberland agus a d'éag ar 21 Deireadh Fómhair 2023). Aithnítear é mar dhuine de na himreoirí sacair is fearr riamh.
Imreoir[cuir in eagar | athraigh foinse]
.jpg)
Bhí gairmréim fhada agus an-rathúil aige leis an bhfoireann Manchester United. Bhí sé ar duine de na 'Busby Babes' sna caogaidí, tagairt ar ndóigh d'imreoirí óga bhainisteoir na fóirne sin Matt Busby.[1]
Maraíodh go tragóideach cuid mhaith den fhoireann céadrogha sin de bharr na timpiste tragóidí a tharla ag Aerfort München i bhFeabhra na bliana 1958. 23 duine ar fad a maraíodh sa timpiste sin nuair a phléasc an t-eitleán ar an rúidbhealach agus í ag iarraidh éirí san aer. Bhíothas ag ceapadh go mba fhéidir nach n-imreodh Bobby Charlton arís i ndiaidh na timpiste sin mar gur léir do chách gur ghoill sé go mór air. Ach tháinig sé chuige féin, chuaigh ar ais i mbun traenála agus bhi ansin 10 mbliana níos deireanaí agus é cinniunach i 1968 i mbua Man United ar Benfica sa chluiche ceannais de Chorn na hEorpa.
Scóráil Charlton 249 cúl do Manchester United, curiarracht a mhair ar feadh i bhfad.
Bhí an rath céanna aige le foireann idirnáisiúnta Shasana chomh maith, Bhí sé ar an bhfoireann stairiúil sin i 1966 a bhuail an Ghearmáin Thiar (mar a bhí ag an am) i gCluiche Ceannais Chorn an Domhain. Sa bhliain chéanna, roghnaíodh é mar Pheileadóir na Bliana san Eoraip. D'imir Charlton 103 cluiche do Shasana.[1]
Chaith sé an chuid ba mhó dá ghairmréim ag imirt i lár na páirce, ag dul ar an ionsaí go minic agus ag aimsiú cúil. Ghnóthaigh sé naoi gcúl agus daichead le foireann Shasana, curiarracht a mhaireann fós.
Ar scor[cuir in eagar | athraigh foinse]
D'éirigh Charlton as an imirt sa bhliain 1976, agus sa bhliain 1984 ghlac sé post ar Bhord Stiúrthóirí Manchester United.
Muintir[cuir in eagar | athraigh foinse]
Ba fhear sacair mór le rá eile é a dheartháir Jack, a d'imir ina éineacht le foireann Shasana, an fear a stiúraigh foireann sacair Phoblacht na hÉireann le cáiliú do Chomórtas Euro '88 chomh maith le craobhacha an domhain i 1990 agus 1994.[1]
Féach freisin[cuir in eagar | athraigh foinse]
Tagairtí[cuir in eagar | athraigh foinse]
- ↑ 1.0 1.1 1.2 Nuacht RTÉ (2023-10-21). "An t-imreoir sacair Bobby Charlton, tar éis bháis" (as ga-IE).