Aiste bia

Aiste bia

Is éard atá i gceist le haiste bia ná an cuingriú bianna a sholáthraíonn na cothaithigh riachtanacha don cholainn. Déantar aistí bia a rangú i gcaighdeáin de réir cothromaíocht na gcothaitheach a ionghabhtar, agus ní de réir na gcineálacha bia a itear go príomha.

Go minic úsáidtear an téarma ar theorannú le hionghabháil calraí le haghaidh tanaithe. Le fírinne, is aiste bia ísealchalrach é seo, díreach mar is féidir aiste bia atá íseal i saill nó salann, nó aiste bia le neart snáithín a bheith ag duine.

Riachtanas speisialta cothaithe

D’fhéadfaí a rá gur daoine a bhfuil ‘riachtanas speisialta cothaithe’ acu iad na daoine a dtugtar comhairle dóibh nó a roghnaíonn gan glacadh le moltaí cothaithe forleathana. D’fhéadfadh sé seo tarlú ar chúiseanna leighis (m.sh. galar céiliach, ailléirgí bia, éadulaingt ar bhia, galar putóige athlastaí) nó ar chúiseanna nach mbaineann le leigheas (m.sh. aistí bia veigeatóracha, cúiseanna reiligiúnacha nó cultúrtha, srl).

Sláinte

Is mór a théann aiste bia i bhfeidhm ar chúrsaí sláinte. Bhí eolas ar an gceangal idir aiste bia is galair ag na Sínigh chomh luath leis an 14ú céad.

Is ionann galair a bhaineann le haiste bia (nó galair ainsealacha a bhaineann le cothú bia) agus galair a thagann chun cinn mar gheall ar aiste bia nach réitíonn le moltaí cothaithe forleathana. Is samplaí de ghalair ainsealacha iad murtall, diaibéiteas, galar cardashoithíoch, oistéapóróis agus galar fiacla.

In Éirinn

Déanann Údarás Sábháilteachta Bia na hÉireann taighde ar shábháilteacht bia; Déanann sé faireachas ar ghalar a bhaineann le haiste bia, lena n-áirítear murtall.

Féach freisin

• Sábháilteacht bia

Naisc sheachtracha

• Údarás Sábháilteachta Bia na hÉireann