Ailse chíche

Ón Vicipéid, an chiclipéid shaor.

Ceann de na hailsí urchóideacha is coitianta i mná. Léirítear ar dtús í mar chnap taobh istigh d'fhíochán na cíche, leathann sí go háitiúil don chraiceann (agus is féidir go n-othrasóidh sé seo) is na nóid limfeacha. Tarlaíonn leathadh trí imshruthú na fola freisin do na cnámha, na scamhóga, an t-ae is orgáin eile. Mar chóireáil, déantar an siad a bhaint, nó fiú an chíoch iomlán (maisteachtóime), agus/nó meascán drugaí hormónacha frithailseacha. I dtíortha áirithe déantar mná a scagthástáil go rialta le mamagraim (íomhánna X-ghathacha a léiríonn fíocháin na cíche).