Neil Armstrong

Ón Vicipéid, an chiclipéid shaor.
Neil Armstrong
Neil Armstrong pose.jpg
Neil Armstrong, 1969.
Dáta breithe 5 Lúnasa, 1930
  Wapakoneta, Ohio, SAM
Dáta báis 25 Lúnasa 2012
  Cincinnati, Ohio, SAM
Náisiúntacht Meiriceánach
Gairm Spásaire
Síniú
Neil Armstrong Signature.svg

Ba spásaire Meiriceánach é Neil Alden Armstrong a bhí ar an chéad duine a shiúil dromchla na Gealaí. (Rugadh ar 5 Lúnasa 1930 é i Wapakoneta, Ohio sna Stáit Aontaithe, agus cailleadh ar 25 Lúnasa 2012 é.)

Chuaigh sé go dtí an spás ar bhord an spásárthaigh úd Gemini 8 sa bhliain 1966, ach b'í an tuirlingt ar an nGealach a thabhaigh clú domhanda dó, ní nach ionadh. Bhí sé i gceannas ar an misiún spás úd Apollo 11 a rinne tuirlingt i Muir na Sáimhe ar an 20 Iúil, 1969, agus in éineacht lena chomhspásaire, Buzz Aldrin, chaith sé dhá uair an chloig go leith ar dhromchla na Gealaí ag déanamh taiscéalaíochta. D'fhan an tríú spásaire, Michael Collins ag fithisiú na Gealaí sa Mhodúl Ceannasaíochta le linn chuairt na beirte eile ar ár satailít. B'é Apollo 11 an misiún deireanach spáis a raibh Armstrong páirteach ann, nó ina dhiaidh sin, thréig sé an NASA agus chuaigh sé ag múineadh innealtóireachta in Ollscoil Cincinnati.