Buzz Aldrin

Ón Vicipéid, an chiclipéid shaor.
Buzz Aldrin

Is iar-spásaire Meiriceánach é Buzz Aldrin (rugadh ar an 5 Eanáir 1930 é mar Edwin Eugene Aldrin, Jr.) a bhí ar an dara duine a shiúil dromchla na Gealaí. Rugadh in Glen Ridge, New Jersey é.

Bhí sé ar an misiún spáis úd Apollo 11 a rinne tuirlingt i Muir na Sáimhe ar an 20 Iúil, 1969, agus in éineacht lena chomhspásaire, Neil Armstrong, chaith sé dhá uair an chloig go leith ar dhromchla na Gealaí ag déanamh taiscéalaíochta. D'fhan an tríú spásaire, Michael Collins ag fithisiú na Gealaí sa Mhodúl Ceannasaíochta le linn chuairt na beirte eile ar ár satailít.