Henry Kissinger

Ón Vicipéid, an chiclipéid shaor.
Henry Kissinger, 2009

Taidhleoir agus eolaí polaitíochta Meiriceánach a rugadh ar 27 Bealtaine 1923 in Fürth na Gearmáine ab ea Henry Alfred KissingerHeinz Alfred Kissinger. Faoin uachtarán Richard M. Nixon, bhí Kissinger ina Chomhairleoir um Shlándála Náisiúnta (1969–1975)) agus ina Rúnaí Stáit (1973–1977). Bronnadh Duais Nobel na Síochána air sa bhliain 1973 in éineacht le Le Duc Tho.

A óige[athraigh | edit source]

Ba mhúinteoir scoile a athair agus bean tí a mháthair. Ba de shliocht Giúdach iad. Sa bhliain 1938, d'imigh muintir Kissinger ón nGearmáin de bharr an ghéarleanúint a bhíothas a chur i bhféidhm i leith na nGiúdach faoi na Naitsithe sa tír úd. In Washington Heights, i dtuaisceart Manhattan, i gCathair Nua-Eabhrac a chuir theaghlach Kissinger fúthu.

Bhí ar Henry óg dul ar fiannas in Airm na Stát Aontaithe sa bhliain 1943 agus bhain sé amach saoránacht Mheiriceánach agus eisean ag buntraenáil sa bhliain chéanna. Aithníodh a chliste agus a bhí sé agus nuair a cuireadh chuig an Ghearmáin é moladh a chuid scileanna teanga. Cuireadh ag obair é i rannóg bailithe faisnéise míleata agus bhí sé páirteach in obair fhrithfhaisnéise freisin. Uaireanta, mar shampla, le linn Chath an Bulge, bhí an obair contúirteach.

Ar ais sna Stáit Aontaithe dó d'fhreastail Kissinger ar Ollscoil Harvard. Bhain sé amach céim bhaitsiléara (1950), máistreás (1952) agus dochtúireacht (1954).

Leabhair faoi Henry Kissinger[athraigh | edit source]

  • Dallek, R. Nixon and Kissinger: Partners in Power (Londain, Penguin, 2008)
  • Hitchens, C. The Trial of Henry Kissinger (Londain, Verso, 2001)
  • Horne, A. 1973: Kissinger's Year (Londain, Weidenfeld & Nicolson, 2009)
  • Isaacson, W. Kissinger: A Biography (Nua-Eabhrac, Touchstone, 1992)
  • Landau, D. Kissinger: The Uses of Power (Londain, Robson, 1974)