Is spástóireadóir é Voyager 2 agus é seolta ag NASA ar an 20ú Lúnasa 1977 chun staidéar a dhéanamh ar na pláinéid amuigh. Lainseáladh é sé lá roimh a leathchúpla Voyager, ar chonair a thóg níos sia le hIúpatar agus Satarn a shroichint ach a chuir ar a chumas cuairt a thabhairt ar Úránas agus Neiptiún. Is é an t-aon spásárthach amháin a shroich aon cheann de na fathaigh reoite. Chríochnaigh a bhunmhisean le taiscéaladh ar Chóras Neiptiúin ar an 2ú Deireadh Fómhair 1989 agus tar éis dó cuairt a thabhairt ar chóras Úránais sa bhliain 1986, ar chóras Shatairn sa bhliain 1981 agus ar chóras Iúpatair sa bhliain 1979. Tá Voyager 2 anois sa dara ré dá mhisean, ag déanamh staidéir ar imeall amuigh an Ghrianchórais agus tar éis dó bheith ag taisteal go ceann níos mó ná 40 bliain, fanann sé i dteagmháil leis an Líonra Spáis Dhomhain. Ag scaradh de 108 Aonaid Réalteolaíochta (1.62 x 1010 km) ón ghrian i mí Aibreáin 2015, tá Voyager 2 ar cheann de na rudaí de dhéantús an duine is faide ón domhan, mar aon le Voyager 1, Pioneer 10 agus Pioneer 11. Ar shroichint spás idir-réaltach dó, beidh sé in ann na céad fíorthomhais de dhlús agus de theocht an phlasma idir-réaltaigh a dhéanamh.
Is síol a bhaineann leis an spáis nó spáseitilt é an t-alt seo.Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.
NASA 
