The Great Dictator

The Great Dictator
	;
Buneolas
Stiúrthóir	Charlie Chaplin
Príomhcharachtair	Charlie Chaplin; Paulette Goddard; Jack Oakie; Reginald Gardiner; Henry Daniell; Billy Gilbert; Emma Dunn; Chester Conklin; Maurice Moscovitch; Bernard Gorcey; Esther Michelson; Gino Corrado; Grace Hayle; Hank Mann; Joe Bordeaux; John Davidson; Paul Weigel; Wheeler Dryden; Carter DeHaven; Eddie Gribbon; Eddie Dunn; Charles Irwin; Sig Arno; Hans Conried; Richard Alexander; Leo White; Don Brodie; Pat Flaherty; Charles Sullivan; Cyril Ring; William Irving; Bert Moorhouse; Fred Aldrich; George Lynn; Tiny Sandford; Rudolph Anders
Léiriú	Charlie Chaplin
Script	Charlie Chaplin
Ceol	Charlie Chaplin agus Meredith Willson
Grianghrafadóireacht	Roland Totheroh agus Karl Struss
Comhlacht léiriúcháin	Charles Chaplin Film Corporation, United Artists Corporation agus Charlie Chaplin Studios
Dáileoir	United Artists Corporation
Mionsonraí
Tír bhunaidh	Stáit Aontaithe Mheiriceá
Céadléiriú	15 Deireadh Fómhair 1940
Fad ama	125 min
Bunteanga	Béarla
Suíomh scannánaíochta	Los Angeles, California agus Malibu
Dath	dubh agus bán
Buiséad	2,000,000 $
Tuilleamh	5,000,000 $
Cur síos
Seánra	geandrámaíocht, glámh politiúil, scannán cogaidh, scannán frithchogaidh, scannán drámaíochta, scigscannán, greann garbh, comedy of error (en) agus coiméide
Rátáil MPAA	G
Príomhábhar	faisisteachas agus Frith-Sheimíteachas
Suíomh scéalaíochta	Tomainia (en) , Osterlich (en) agus Bacteria (en)
Socraithe sa tréimhse	1918 agus an Chéad Chogadh Domhanda
Liosta na ngradam agus na n-ainmniúchán
Ainmnithe do	Duais an Acadaimh don aisteoir tánaisteach is fearr (1941); Duais an Acadaimh don aisteoir is fearr (1941); Academy Award for Best Writing, Original Screenplay (en) ; Duais an Acadaimh don scannán is fearr (1941); Gradam Acadaimh don Scór Bunaidh is Fearr (1941)
Gradam a fuarthas	New York Film Critics Circle Award for Best Actor (en) (1940); National Board of Review: Top Ten Films (en)

Scannán ón mbliain 1940 is ea The Great Dictator, leis an aisteoir grinn mór le rá, Charlie Chaplin. Bhí Chaplin ina stiúrthóir ar an scannán agus bhí sé sa dá phríomhpháirt aisteoireachta chomh maith. Bhí sé seo ar an gcéad scannán cainte uaidh, chomh maith le bheith ar an scannán is mó rath uaidh. B'aoir nimhneach é ar an bhFaisisteachas. Is díol suntais é an scannán seo, ós rud é nár thuig go leor daoine cé chomh holc is a bhí na Naitsithe ag an am sin, mar nach raibh eolas ag an bpobal faoi na campaí báis. Ach déantar cur síos sonrach ar ghéarleanúint na nGiúdach sa scannán seo.

Plota

Cuirtear in aithne muid ar dtús leis an mbearbóir Giúdach gan ainm (Chaplin) agus é ag troid sa Chéad Chogadh Domhanda ar son a thíre féin, Tomainia (tír fhicseanach arb ionann í agus an Ghearmáin). Buailtear é sa cheann ag deireadh an chogaidh agus caitheann sé fad fiche bliain in ospidéal agus a chuimhne caillte aige. Filleann sé ar a ghairm bheatha ag deireadh na tréimhse sin agus gan tuiscint dá laghad aige ar chás polaitiúil a thíre féin, áit a bhfuil deachtóir darb ainm Adenoid Hynkel (Chaplin arís, agus é ag déanamh aithrise ar Adolf Hitler) tar éis teacht i réim. Is cuid thábhachtach í den phlota agus den ghreann, go bhfuil an bearbóir Giúdach ina mhacasamhail den deachtóir uafásach seo a bhfuil an ghráin dhearg aige ar na Giúdaigh. Déantar aoradh chomh maith ar Benito Mussolini, i bhfoirm an deachtóra fhicseanaigh Benzino Napaloni, atá ina cheannaire ar thír darb ainm Bacteria. Léirítear caidreamh cumhachta áiféiseach na beirte seo, tríd an eachtra ina bhfuil na deachtóirí ag iarraidh idirbheartaíocht a dhéanamh faoi smacht a ghlacadh ar Osterlich (An Ostair).

Stíl

Cé gur aoir thar a bheith searbhasach í seo, bíonn atmaisféar thar a bheith éadrom ann ar feadh an scannáin go léir. Tá greann ropánta Chaplin le sonrú go mór ann agus baineann sé an-leas as chun ábhar an scannáin a aoradh. Radharc cáiliúil amháin ná an rince a dhéanann an deachtóir Hynkel le balún mór atá ina mhacasamhail den domhan agus réamhcheol Lohengrin le Richard Wager á sheinm sa chúlra.

Gradam

I 1997, d'fhógair Leabharlann Chomhdháil SAM an scannán seo a bheith "suntasach go cultúrtha, go stairiúil nó go haeistéiticiúil" agus roghnaíodh é le bheith caomhnaithe i gClárlann Scannán Náisiúnta na Stát Aontaithe.

Naisc sheachtracha