Tailídimíd

Ón Vicipéid, an chiclipéid shaor.
Jump to navigation Jump to search

Is éard atá sa tailídimíd ná cineál suaimhneasán a tugadh isteach san Iar-Ghearmáin sa bhliain 1956, sa Bhreatain sa bhliain 1958, agus ina dhiaidh sin i gcuid mhaith tíortha eile. D'éirigh sí an-choitianta de bhrí go raibh sí an-sábháilte (ní raibh ródháileog thromábhal marfach, fiú). Ar an drochuair, fuarthas amach de réir a chéile thar bhlianta úsáide gur teiritigin a bhí inti, ábhar a chuir tús le míchumaí comhbheirthe, agus tarraingíodh siar í. Meastar gur tharla míchumaí mar easpa géag nó codanna géag do 20% ar a laghad de na leanaí a rugadh do mhná a thóg tailídimíd le linn a dtoirchis: níos mó ná 10,000 leanbh. Anois is gá do dhéantúsóirí drugaí a chruthú nach bhfuil aon iarmhairt theiritigineach ag druga nua i gcomhair daoine chun cead dlíthiúil a fháil é a chur ar an margadh. Le blianta anuas tá fianaise ag teacht chun tosaigh go mb'fhéidir gur oibreán cumasach frithailseach an tailídimíd, mar cuireann sé bac ar fhás fuileadán a chothódh an siad.

Móilín círiúil é móilín na tailídimíde, is é sin, tá an tailídimíd comhdhéanta as dhá chineál móilíní - eanantaiméirí, nó isiméirí optúla - ar scáilí scáthánacha dá chéile iad. Mar a thuigtear inniu, níl ach ceann den dá eanantaiméir ina theiritigin, agus an ceann eile ina chógas úsáideach.

Inniu, baintear úsáid áirithe as an tailídimíd mar chógas ailse agus lobhra.

Féach freisin[cuir in eagar | athraigh foinse]